ഡേവി‍സ് കപ്പിൽ ഇന്ത്യയ്ക്കു ജയം

ന്യൂഡൽഹി ∙ പ്ലേഓഫിൽ ഡെൻമാർക്കിനെതിരെ വിജയത്തോടെ (4–0) ഇന്ത്യ ഡേവിസ് കപ്പ് ടെന്നിസ് ലോക ഒന്നാം ഗ്രൂപ്പിൽ സ്ഥാനം നിലനിർത്തി. അവസാന ഡബിൾസിൽ ഇന്ത്യയുടെ രോഹൻ ബൊപ്പണ്ണ– ദിവിജ് ശരൺ സഖ്യം ഡെൻമാർക്ക് സഖ്യത്തെ പരാജയപ്പെടുത്തി (6-7, 6-4, 7-6). 2 മണിക്കൂർ നീണ്ട മത്സരത്തിൽ 3 മാച്ച് പോയിന്റുകൾ അതിജീവിച്ച ശേഷമാണ് ഇന്ത്യൻ സഖ്യം വിജയിച്ചത്. കഴിഞ്ഞ ദിവസത്തെ 2 സിംഗിൾ‌സ് വിജയങ്ങളോടെ മുന്നിലായിരുന്ന ഇന്ത്യ ഡബിൾസ് ജയത്തോടെ 3–0നു ലീഡെടുത്തു. റിവേഴ്സ് സിംഗിൾസിൽ രാംകുമാർ രാമനാഥൻ ഇന്ത്യയുടെ 4–ാം ജയം നേടി. 

English Summary: Davis Cup: India too good for Denmark