ഫ്രഞ്ച് ഓപ്പൺ; സാക്ക, ക്രെജിക്കോവ, മുഗുരുസ പുറത്ത്

പാരിസ് ∙ ഫ്രഞ്ച് ഓപ്പൺ ടെന്നിസിൽ വൻവീഴ്ചകൾ തുടരുന്നു. വനിതാ സിംഗിൾസിൽ നവോമി ഒസാക്ക, 2016ലെ ചാംപ്യൻ ഗാർബൈൻ മുഗുരുസ, നിലവിലെ ചാംപ്യൻ ബാർബറ ക്രെജിക്കോവ എന്നിവർ ആദ്യ റൗണ്ടിൽ പുറത്തായി. മാനസിക സമ്മർദം മൂലം കഴിഞ്ഞ വർഷം ചാംപ്യൻഷിപ്പിൽ നിന്നു പിൻമാറിയ ഒസാക്കയെ  അമേരിക്കൻ താരം അമാൻഡ അനിസിമോവയാണ് തോൽപിച്ചത് (7–5,6–4). ചെക്ക് താരം ക്രെജിക്കോവയെ ഫ്രഞ്ചുകാരി ഡയാൻ പാരിയാണ് ഞെട്ടിച്ചത്. സ്കോർ: 1–6,6–2,6–3. ഒന്നാം സീഡ് ഇഗ സ്യാംതെക് അനായാസ ജയത്തോടെ രണ്ടാം റൗണ്ടിലെത്തി. പുരുഷൻമാരിൽ അലക്സാണ്ടർ സ്വരേവ്, കാർലോസ് അൽകാരാസ്, റാഫേൽ നദാൽ തുടങ്ങിയവരും മുന്നേറി.

Content Highlights: french open tennis