റാങ്കിങ് ടെന്നിസ്: ഒന്നാം സീഡുകളായ തെലങ്കാനയുടെ വിഷ്ണുവർധനും മഹാരാഷ്ട്രയുടെ പൂജയും പ്രീക്വാർട്ടറിൽ

കൊച്ചി ∙ അഖിലേന്ത്യാ റാങ്കിങ് ടെന്നിസിൽ ഒന്നാം സീഡ് തെലങ്കാനയുടെ വിഷ്ണുവർധനും വനിതകളിലെ ടോപ് സീഡ് മഹാരാഷ്ട്രയുടെ പൂജ ഇങ്ക്‌ലെയും പ്രീക്വാർട്ടറിൽ. വിഷ്ണുവർധൻ ഹരിയാനയുടെ സുനിൽകുമാറിനെ 6–3, 6–4നും പൂജ തെലങ്കാനയുടെ ശ്രീനിധി റെഡ്ഡിയെ 6–4, 6–1നും തോൽപിച്ചു.

ഇന്നു പ്രീക്വാർട്ടർ മത്സരങ്ങൾ നടക്കും. കേരളത്തിന്റെ കരൺഥാപ്പ കടുത്ത പോരാട്ടത്തിനൊടുവിൽ മധ്യപ്രദേശിന്റെ രാഘവ് ജയ്സിംഘാനിയോട് കീഴടങ്ങി (4–6, 6–7).