ലഹരിക്കെതിരെ നിശബ്ദ റാലിയുമായി സിഇടിയിലെ വിദ്യാർഥികൾ
Mail This Article
×
ലഹരി വിരുദ്ധ ക്യാംപെയ്നിന്റെ ഭാഗമായി തിരുവനന്തപുരം കോളജ് ഓഫ് എൻജിനീയറിങ് എൻഎസ്എസ് യൂണിറ്റ് നിശബ്ദ റാലി സംഘടിപ്പിച്ചു. ഒക്ടോബർ 29ന് ശനിയാഴ്ച വൈകീട്ട് 4 മണിക്കാണ് കോളജ് ഗേറ്റ് മുതൽ ശ്രീകാര്യം ജംഗ്ഷൻ വരെ റാലി നടത്തിയത്.
കണ്ണും ചെവിയും വായും മൂടിക്കെട്ടിയും കറുപ്പ് വസ്ത്രം ധരിച്ചുമാണ് വിദ്യാർഥികൾ അണിനിരന്നത്. ലഹരിയുടെ അതിപ്രസരത്തോട് നിശബ്ദത പാലിക്കുന്ന, സാമൂഹികപ്രതിബദ്ധയും പ്രതികരണ ശേഷിയും നഷ്ടപ്പെട്ട സമൂഹത്തിലെ ഒരു വിഭാഗത്തോടുള്ള പ്രതിഷേധമാണ് ഇതുകൊണ്ട് ഉദ്ദേശിച്ചത്.
എൻഎസ്എസ്സിഇടി പ്രോഗ്രാം ഓഫിസർ ബ്രിങ്കിൾ സി.ഭാസ്, സെക്രട്ടറിമാരായ അനുമോൾ യു.എസ്, റിൻഷി ടി.പി തുടങ്ങിയവർ നേതൃത്വം നൽകി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.