തിരുവല്ല∙ എംജി യൂണിവേഴ്സിറ്റി നെറ്റ് ബോൾ ഇന്റർകോളേജ് മത്സരത്തിൽ വിജയകിരീടം ചൂടി മാർത്തോമാ കോളേജ്. പഠനത്തോടൊപ്പം കായിക മത്സരങ്ങൾക്കും സമയം കണ്ടെത്തുക ശ്രമകരമാണെങ്കിലും അതിലൂടെ ലഭിക്കുന്ന അവസരങ്ങളും അംഗീകാരങ്ങളും കൂടുതൽ ആത്മവിശ്വാസം പകരുന്നതാണെന്നു മുഖ്യ പരിശീലകൻ ഗോഡ്സണും ടീം അംഗങ്ങളും ഒരേ സ്വരത്തിൽ പറയുന്നു.
നമ്മുടെ നാടിന്റെ പരിമിതികൾക്കുള്ളിൽ നിന്നു കൊണ്ട് കായികരംഗത്ത് മുന്നേറാനാണ് ഇവരുടെ ശ്രമം. കലാലയ ജീവിതത്തിലെ അനുഭവങ്ങൾക്കൊപ്പം വിജയത്തിന്റെ മധുരം ചേർത്തൊരു ഓർമ കൂടിയാണ് ഈ അംഗീകാരം.
