കണ്ടാൽ 30, പ്രായം 63; സൗന്ദര്യ രഹസ്യം വെളിപ്പെടുത്തി തായ്‌വാൻ സുന്ദരി

ഒരു ടിവി ഷോയ്ക്ക് വേണ്ടി ഗൗൺ ധരിച്ചെത്തിയതാണ് ചെൻ മീഫെൻ എന്ന തായ്‌വാൻ നടി. ആ ചിത്രം തായ്‌വാനിൽ മാത്രമല്ല ലോകം മുഴുവൻ ശ്രദ്ധ നേടി. എന്താണെന്നല്ലേ കാരണം. ആ ചിത്രം കണ്ടാൽ ചെൻ മീഫെനു ഒരു 30 വയസ്സു പ്രായം തോന്നും. എന്നാൽ യഥാർഥത്തില്‍ 63 വയസ്സുണ്ട് ! പ്രായം രേഖപ്പെടുത്തി ആരോ പങ്കുവച്ച് മീഫെന്റെ ചിത്രമാണ് തരംഗമായത്.

നടിയും ഗായികയും അവതാരകയുമാണ് ചെൻ മീഫെൻ. 40 വർഷം മുൻപ് ബ്യൂട്ടി ക്യൂൻ ആയും തിരഞ്ഞെടുക്കപ്പെട്ടിട്ടുണ്ട്. എന്നാൽ ഇന്നും ശരീഘടനയ്ക്കോ സൗന്ദര്യത്തിനോ മാറ്റമില്ല. പ്രായക്കുറവിന്റെ പേരിൽ മുൻപും തായ്‌വാനിൽ താരമായിരുന്നു മീഫെൻ. എന്നാൽ അടുത്തിടെ പങ്കുവച്ച ഈ ചിത്രം തായ്‌വാനിൽ ഒതുങ്ങിയില്ല എന്നു മാത്രം.

ഒരു സ്പെഷൽ ഡാൻസ് ഷോയില്‍ തൂവലുകളും സ്വീകിൻസുകളുമുള്ള ഷീർ ഗൗൺ ധരിച്ചാണ് മീഫെൻ പ്രത്യക്ഷപ്പെട്ടത്. മെഫീൻ ഈ വേഷത്തിൽ അതിസുന്ദരിയായിരുന്നു. 19–ാം വയസ്സിൽ സൗന്ദര്യ മത്സരത്തിൽ ജേതാവാകുമ്പോൾ പോലും ഇത്ര സൗന്ദര്യമില്ല എന്നാണ് ആരാധകർ പറയുന്നത്.

സൗന്ദര്യ മത്സരത്തിൽ വിജയിച്ചശേഷം സിനിമയുടെ പാതയിലെത്തി മെഫീൻ. സിനിമയിൽ സജീവസാന്നിധ്യമായിരുന്നു. മുപ്പത്തിയാറാം വയസ്സിൽ ‘തായ്‌വാനിലെ ഏറ്റവും ഹോട്ട് ആന്റി’ എന്നായിരുന്നു വിശേഷപ്പിക്കപ്പെട്ടത്. പിന്നീട് ടിവി ഷോകളിൽ സാന്നിധ്യമറിയിച്ച മെഫീൻ, സമൂഹമാധ്യമങ്ങളിലും സജീവമായി. ഇപ്പോൾ സോഷ്യല്‍ മീഡിയ ഇൻഫ്ലൂവൻസറായും തിളങ്ങുന്നു.

പുതിയ ചിത്രങ്ങൾ വൈറലായതോടെ സൗന്ദര്യം രഹസ്യം അറിയാനുള്ള ആകാംക്ഷ പങ്കുവച്ച് മാധ്യമങ്ങൾ മെഫീനെ വളഞ്ഞു. യാതൊരു മടിയുമില്ലാതെ താരം അത് തുറന്നു പറയുകയും ചെയ്തു. എന്നും രാവിലെ ജിഞ്ചർ സൂപ്പ് കുടിക്കാറുണ്ട്. അതാണ് സൗന്ദര്യത്തിനു കാരണമെന്നാണ് മെഫീൻ പറയുന്നത്. എന്തായാലും ഈ തായ്‌വാൻ സുന്ദരിയുടെ പ്രായം ഇപ്പോഴും പലർക്കും വിശ്വസിക്കാനായിട്ടില്ല.

English Summary : 63-Year-Old Actress Chen Meifen reveals her beauty secret