ദോജാ ക്യാറ്റ് വേദിയിലെത്തി, പുഴുവിനെപ്പോലെ!

എംടിവി മ്യൂസിക് അവാർഡ് വാങ്ങാനെത്തിയ അമേരിക്കൻ റാപ്പർ ദോജാ ക്യാറ്റിന്റെ വസ്ത്രം കണ്ടാൽ ആരുമൊന്ന് അമ്പരന്നു പോകും. കാരണം ദോജായെ കണ്ടാൽ പുഴുവിനെപ്പോലെ തോന്നിക്കും. അത്തരത്തിലുള്ളതായിരുന്നു താരത്തിന്റെ വസ്ത്രം.

പ്രശസ്ത അമേരിക്കൻ ഫാഷൻ ഡിസൈനറായ തോം ബ്രൗണിന്റെ സ്പ്രിങ് കലക്‌ഷനിലേതാണ് ഈ പുതുമയുള്ള വസ്ത്രം. ‘‘എന്നെക്കാണാൻ പുഴുവിനെപ്പോലുണ്ട്. ഈ രൂപത്തിൽ ഒരു അവാർഡ് ഏറ്റുവാങ്ങാനായി എത്തുമെന്ന് ഒരിക്കലും കരുതിയിരുന്നില്ല’’ – അവാർഡ് സ്വീകരിച്ചു കൊണ്ട് ദോജാ പ്രതികരിച്ചു.

ദോജോയുടെ വ്യത്യസ്തമായ ലുക്ക് ഫാഷൻ ലോകത്ത് തരംഗമായി.