'മലർമാതിൻ കാന്തൻ വാസുദേവാത്മജൻ...';വിഷു ചിത്രങ്ങളുമായി അനുശ്രീ

വിഷു സ്പെഷൽ ചിത്രങ്ങളുമായി മലയാളികളുടെ പ്രിയ താരം  അനുശ്രീ. പാരമ്പര്യ പ്രൗഢിയും മലയാളത്തനിമയും നിറയുന്ന ചിത്രങ്ങളാണ് താരം സമൂഹമാധ്യമത്തിലൂടെ പങ്കു വച്ചത്. കസവു സാരിയാണ് അനുശ്രീയുടെ വേഷം. ഇതോടൊപ്പം അനുയോജ്യമായ ബ്ലൗസും പെയർ ചെയ്തിരിക്കുന്നു. ട്രെഡീഷനൽ സ്റ്റൈലിലുള്ള  ആഭരണങ്ങളാണ് ആക്സസറീസ്. തലമുടി വിവിധ തരത്തിലുള്ള പൂക്കൾ കൊണ്ട് അലങ്കരിച്ചിരിക്കുന്നു. സെലിബ്രിറ്റി സ്റ്റൈലിസ്റ്റുകളായ സജിത്തും സുജിത്തുമാണ് താരത്തെ ഒരുക്കിയത്. ചിത്രങ്ങൾ പകർത്തിയിരിക്കുന്നത് നിതിൻ നാരായണൻ . 

"മലർമാതിൻ കാന്തൻ വാസുദേവാത്മജൻ

പുലർകാലേ പാടി കുഴലൂതി

കിലുച്ചിലെ നെന്നു കിലുങ്ങും കാഞ്ചന

ചിലമ്പിട്ടോടിവാ കണി കാണാൻ…

ഏവർക്കും ഐശ്വര്യത്തിൻ്റെയും സമ്പൽ സമൃദ്ധിയുടെയും വിഷു ആശംസകൾ…" ചിത്രങ്ങൾക്കൊപ്പം താരം കുറിച്ചു.