സാരിയിൽ അഴക് റാണി; ഹൃദയം കവർന്ന് തൃഷ: ചിത്രങ്ങൾ

തെന്നിന്ത്യന്‍ താരസുന്ദരി തൃഷയുടെ സാരി പ്രേമം പ്രസിദ്ധമാണ്. പുതിയ സിനിമ പൊന്നിയിൻ സെൽവന്റെ മിക്ക പ്രചാരണ പരിപാടിയിലും സാരിയിലാണ് താരം തിളങ്ങിയത്. 

ട്രെൻഡി ഷീർ സാരി മുതൽ ക്ലാസിക് പട്ടു സാരി വരെ ഇക്കൂട്ടത്തിലുണ്ടായിരുന്നു. സീക്വിൻ, ബീഡ്സ് വർക്കുകളുള്ള സാരിയും താരം പരീക്ഷിച്ചു. 

തൃഷയുടെ ലുക്കുകൾക്ക് അഭിനന്ദിച്ച് ആരാധകരും സഹപ്രവർത്തകരും എത്തി. ‘അഴകി ടി നീ’ എന്നായിരുന്നു തൃഷയുടെ ഒരു ചിത്രത്തിന് നടി ഖുശ്ബുവിന്റെ കമന്റ്. 

മികച്ച അഭിപ്രായം നേടി പൊന്നിയിൻ സെൽവൻ പ്രദർശനം തുടരുകയാണ്. കുന്തവൈ എന്ന കഥാപാത്രത്തെയാണ് തൃഷ അവതരിപ്പിക്കുന്നത്.