ചടുലമായ ചുവടുകൾകൊണ്ടും വശ്യമായ ഭാവപ്രകടനങ്ങൾകൊണ്ടും സോളോ വിഭാഗത്തിൽ ഫസ്റ്റ് റണ്ണർ അപ്പായ അന്നയും എല്ലാവരുടെയും പ്രിയങ്കരിയായിമാറിയത് ചുരുങ്ങിയ സമയംകൊണ്ടാണ്. പതിനാലു വർഷം ക്ലാസിക്കൽ നൃത്തം അഭ്യസിച്ച അന്ന, തേവര സേക്രട്ട് ഹാർട്ട് കോളേജിൽ രണ്ടാം വർഷ ബികോം ബിരുദ വിദ്യാർഥിനിയാണ്. ഡി 3 യുടെ വിശേഷങ്ങൾ പ്രേക്ഷകരുമായ് പങ്കുവെച്ച് അന്ന.
വൈൽഡ് കാർഡ് എൻട്രയിലൂടെ ഡി 3 യിൽ
ഡി 3 യുടെ ഓഡിഷനിൽ ഞാൻ പങ്കെടുത്തിരുന്നു. അന്ന് ആദ്യ റൗണ്ട് ക്ലിയർ ചെയ്ത് സെക്കൻഡ് റൗണ്ടിൽ എത്തിയതുമാണ്. പക്ഷെ പനി കാരണം സെക്കൻഡ് റൗണ്ടിൽ മത്സരിക്കാൻ കഴിഞ്ഞില്ല. ശരിക്കും വിഷമം തോന്നി. പിന്നീട് ഡി 3 യിലേക്ക് വൈൽഡ് കാർഡ് എൻട്രികൾ ക്ഷണിക്കുന്നു എന്നറിഞ്ഞു വീണ്ടും ശ്രമിച്ചു. അങ്ങനെ ദൈവാനുഗ്രഹം കൊണ്ട് ഡി 3 പോലൊരു മികച്ച വേദിയുടെ ഭാഗമാകാൻ സാധിച്ചു.
ഫസ്റ്റ് റണ്ണർ അപ്പ്
സൂപ്പർ ഫിനാലെ വരെ എത്തും എന്നു പോലും വിചാരിച്ചതല്ല. ഡി 3 യുടെ ഭാഗമാകാൻ സാധിച്ചതുതന്നെ ഭാഗ്യമായിട്ടാണ് കരുതുന്നത്. സോളോ വിഭാഗത്തിൽ രണ്ടാം സ്ഥാനം ലഭിച്ചത്തിൽ വളരെ സന്തോഷമുണ്ട്.
ഡി 3 നൃത്തത്തിന്റെ മികച്ച വേദി
ഡി 3 നൃത്തത്തിന്റെ നല്ലൊരു വേദി തന്നെയാണ്. ഡി 3 യിലൂടെ ഒരുപാടുപേരെ പരിചയപ്പെടാൻ സാധിച്ചു. പ്രിയാജി, നീരവ്ജി, പ്രസന്ന മാസ്റ്റർ പോലുള്ളവർ നല്ല പ്രോത്സാഹനമാണ് നൽകിയിരുന്നത്. പ്രഗത്ഭരായ ഒരുപാട് നർത്തകർക്കൊപ്പം വേദി പങ്കിടാൻ സാധിച്ചത് തന്നെ ഭാഗ്യമാണ്. ഇവിടെ വന്നതിനു ശേഷം ഒരുപാട് കാര്യങ്ങൾ പഠിക്കാൻ സാധിച്ചു.
കുടുംബം എനിക്കു പിന്തുണ
അപ്പ, അമ്മ, ചേട്ടൻ, അമ്മച്ചി പിന്നെ ഞാനുമടങ്ങുന്നതാണ് എന്റെ കുടുംബം. ഫാമിലിയാണ് എന്റെ ഏറ്റവും വലിയ സപ്പോർട്ട്.
