sections
MORE

സൗന്ദര്യം രഹസ്യം ചോദിച്ച് ആരാധകർ, വെളിപ്പെടുത്തി സോനം കപൂർ

sonam-kapoors-beauty-secrets-revealed
സോനം കപൂർ
SHARE

റെഡ്കാര്‍പറ്റിൽ ജീവിക്കുന്ന ബോളിവുഡ് താരം എന്നാണ് സോനം കപൂറിനെ വിശേഷപ്പിക്കുന്നത്. താരത്തിന്റെ ഫാഷൻ സെൻസിനെ എത്ര  ഫാഷനിസ്റ്റുകൾ അഭിനന്ദനങ്ങൾ കൊണ്ടു മൂടാറുണ്ട്. സൗന്ദര്യ സംരക്ഷണത്തിലും സോനം പുലി തന്നെ. ആരാധകർക്ക് ഇന്‍സ്റ്റാഗ്രാമിലൂടെ തന്നോടു ചോദ്യങ്ങൾ ചോദിക്കാനുള്ള അവസരം സോനം കപൂർ ഒരുക്കിയിരുന്നു. സ്വാഭാവികമായും സൗന്ദര്യ രഹസ്യം എന്താണെന്ന ചോദ്യം സോനത്തിനു നേരെ ഉയർന്നു.

പലപ്പോഴും മാസികകളിൽ പ്രസിദ്ധീകരിച്ചു വന്നിട്ടുണ്ടെങ്കിലും സോനത്തിന്റെ നേരിട്ടുള്ള മറുപടി ആരാധകർ പ്രതീക്ഷിച്ചിരുന്നു. ഇതു തെറ്റിക്കാതെ തന്റെ സൗന്ദര്യ രഹസ്യം താരം വെളിപ്പെടുത്തി. വൈറ്റമിൻ സി, വെള്ളം, സൺസ്ക്രീൻ ക്രീം, ഉറങ്ങുന്നതിനു മുമ്പ് മേക്കപ്പ് കളഞ്ഞ് മുഖം വൃത്തിയാക്കൽ, നല്ല ഉറക്കം എന്നു മറുപടിയായി താരം കുറിച്ചു.

സോനം പരിശീലിക്കുന്ന വ്യായാമ മുറകളും ഡയറ്റും മുൻപും വാർത്തകളിൽ നിറഞ്ഞിട്ടുണ്ട്. സമയം കിട്ടുമ്പോഴെല്ലാം പരിശീലക സറിൻ വാട്ട്സണൊപ്പം ജിമ്മിൽ എത്തും. രാവിലെ ഓട്ട്മീലും പഴങ്ങളുമാണ് കഴിക്കുക. വ്യായാമം കഴിഞ്ഞാൽ ബ്രെഡും മുട്ടയുടെ വെള്ളയുമാണ് പതിവ്. ഇതോടൊപ്പം പ്രോട്ടീൻ ഷെയ്ക്കോ ജ്യൂസോ ഉണ്ടാവും. ജലാംശം നിലനിർത്താന്‍ കരിക്കിന്‍ വെള്ളം കുടിക്കുന്ന ശീലവുമുണ്ട്.

ശരിയായി ചിന്ത, നല്ല ഭക്ഷണം, സന്തോഷം ഇതാണ് സൗന്ദര്യ രഹസ്യമെന്ന് താരസുന്ദരി മുന്‍പും പ്രതികരിച്ചിട്ടുണ്ട്. ഇക്കാര്യത്തിൽ കുടുംബത്തിന്റെയും സുഹൃത്തുക്കളുടെയും പിന്തുണയും ശക്തമാണെന്ന് താരം പറയുന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN HAIR N BEAUTY
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA