ADVERTISEMENT

നഖങ്ങളിൽ പോലും അപാരമായ ഫാഷൻ പരീക്ഷണങ്ങൾ നടത്തുന്നവരാണ് ബി ടൗൺ ക്വീൻ കരീന കപൂർ മുതൽ തെന്നിന്ത്യയിലെ ലേഡി സൂപ്പർ സ്റ്റാർ നയൻതാര വരെ. ഓരോ ചിത്രത്തിലും ലുക്ക് മാത്രമല്ല നഖത്തിന്റെ ഷെയ്പ് വരെ മാറ്റാൻ അവർ സൂക്ഷ്മമായി ശ്രദ്ധിക്കാറുണ്ട്. നടിമാരുടെ സ്റ്റൈലിനു പുറകെ പോയി നഖത്തിന്റെ ഷെയ്പ് വല്ലാതെ മാറ്റാൻ ശ്രമിക്കരുതേ. ഓരോരുത്തരുടെയും വിരലുകളുടെ ആകൃതിക്കനുസരിച്ചുവേണം നഖം ഷെയ്പ് ചെയ്തു സുന്ദരമാക്കാൻ. റൗണ്ട്, സ്ക്വയർ, ഓവൽ അങ്ങനെ പല ഷെയ്പിൽ നഖങ്ങൾ സുന്ദരമാക്കാം. ഇണങ്ങുന്ന നെയിൽ പോളിഷ് കൂടിയായാൽ സ്റ്റൈലിഷ് നഖം സ്വന്തമാക്കാം.

വിരലുകൾക്ക് നീളം തോന്നാൻ റൗണ്ട് ഷെയ്പ്

R-nail
Image Credits : Parilov / Shutterstock.com

റൗണ്ട് ഷെയ്പിലുള്ള നഖങ്ങൾക്ക് ഏതു നിറത്തിലുള്ള നെയിൽപോളിഷും ഇണങ്ങുമെന്നാണ് സൗന്ദര്യ വിദഗ്ധർ പറയുന്നത്. ഇതിനായി ചർമത്തിനും വിരലുകൾക്കും ഇണങ്ങും വിധം അർധവൃത്താകൃതിയിലാണ് നഖങ്ങൾ വളർത്തേണ്ടത്. ഇത് വിരലുകൾക്ക് നല്ല നീളം തോന്നിക്കും. വിരലുകൾക്ക് സ്ലിമ്മിങ് ഇഫക്റ്റ് നൽകാൻ നഖങ്ങൾ ഇത്തരത്തിൽ ഷെയ്പ് ചെയ്താൽ മതി.

ഫെമിനിൻ ലുക്കിന് ഓവൽ നഖങ്ങൾ

O-nails
Image Credits : Dina Shuba / Shutterstock.com

നഖങ്ങൾക്ക് വളരെ നാച്ചുറൽ ലുക്ക് നൽകുന്നതാണ് ഓവൽ ഷെയ്പ്. ഇതിനായി വിരൽത്തുമ്പിൽനിന്ന് അൽപം കൂടുതൽ നഖം വളർത്തിയ ശേഷം ഇരുവശവും നന്നായി ഫയൽ ചെയ്യണം. ബോൾഡ് മെറ്റാലിക് നിറത്തിലുള്ള നെയിൽ പോളിഷ് പരീക്ഷിക്കാനും വ്യത്യസ്തങ്ങളായ നെയിൽ ആർട്ടുകൾ ചെയ്യാനും ഉത്തമമാണ് ഈ ആകൃതിയിലുള്ള നഖങ്ങൾ.

ഷാർപ് ലുക്ക് കിട്ടാൻ സ്ക്വയർ നെയിൽസ്

S-Nail
Image Credits : Dina Shuba / Shutterstock.com

നല്ല ഷാർപ് ലുക്കിലാണ് നഖങ്ങൾക്ക് ആകൃതി വരുത്തേണ്ടത്. ഇരുവശത്തേക്കും 90 ഡിഗ്രി ചെരിവു നൽകി നഖങ്ങൾക്ക് സ്ക്വയർ ഷെയ്പ് നൽകാം. വളരെ കട്ടികുറഞ്ഞ നഖങ്ങളും മെലിഞ്ഞ വിരലുകളുമാണെങ്കിൽ ഈ ഷെയ്പ് നന്നായിണങ്ങും. 90 കളിൽ വളരെ പോപ്പുലറായ ലുക്കാണിത്. സോളിഡായ കടും നിറത്തിലുള്ള നെയിൽ പോളിഷുകളാണ് ഈ നഖത്തിനിണങ്ങുന്നത്. ജ്യോമെട്രിക് പാറ്റേണിലുള്ള നെയിൽ ആർട്ടും ഈ ഷെയ്പ്പിലുള്ള നഖങ്ങൾക്ക് നന്നായിണങ്ങും.

സ്റ്റൈലിഷ് ലുക്കിന് ആൽമണ്ട് നെയിൽസ്

A-nails
Image Credits : Irina_izzi_Parnikova / Shutterstock.com

നഖങ്ങൾക്ക് നല്ല സ്റ്റൈൽ ആൻഡ് സെക്സി ലുക്ക് നൽകുന്ന ഷെയ്പാണിത്. ഏതു നിറത്തിലുള്ള നെയിൽ പോളിഷും ഈ ഷെയ്പിലുള്ള നഖങ്ങൾക്ക് ഇണങ്ങും. ആൽമണ്ട് ഷെയ്പിലുള്ള നഖങ്ങൾക്ക് എലഗന്റ് ലുക്ക് ലഭിക്കാൻ ന്യൂട്രൽ കളറിലുള്ള നെയിൽ പോളിഷ് ആണ് ഉചിതം.

ഡ്രമാറ്റിക് ലുക്കിന് സ്റ്റിലെറ്റോ നെയിൽസ്

sh-nails
Image Credits : Nittaya Saternram / Shutterstock.com

ഇന്ന് ഏറ്റവും പ്രശസ്തമായ ഒരു ഷെയ്പ്പാണിത്. നഖങ്ങളിൽ പരീക്ഷണം നടത്താനിഷ്ടമുള്ളവരും നല്ല ഫാഷൻ സെൻസ് ഉള്ളവരും തിരഞ്ഞെടുക്കുന്നതാണിത്. നഖം നീട്ടി അറ്റം കൂർപ്പിക്കുന്ന സ്റ്റിലെറ്റോ നെയിൽ സ്റ്റൈൽ ആൾക്കൂട്ടത്തിൽ ശ്രദ്ധിക്കപ്പെടണമെന്ന് ഏറെ ആഗ്രഹിക്കുന്നവർക്ക് നന്നായി ചേരും. നഖത്തിൽ നെയിൽ പോളിഷ് മാത്രം ഉപയോഗിക്കുകയോ ചിത്രങ്ങളും രൂപങ്ങളും വരച്ചുചേർക്കുകയോ ചെയ്യാം. മുത്തുകൾ, സ്റ്റോണുകൾ, ഗ്ലിറ്ററുകൾ എന്നിവ ഒട്ടിച്ചും സ്റ്റിലെറ്റോ നെയിൽസ് പരീക്ഷിക്കാം.

English Summary : Find right nail shape to your fingures 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com