കാമുകിക്ക് മുടി കൊഴിച്ചിൽ ; മുടി നീക്കം ചെയ്ത് യുവാവിന്റെ പിന്തുണ; കണ്ണു നിറച്ച് വിഡിയോ

മുടി കൊഴിച്ചിൽ മൂലം ബുദ്ധിമുട്ടുന്ന കാമുകി പിന്തുണയുമായി തന്റെ മുടി ഷേവ് ചെയ്ത യുവാവിന്റെ വിഡിയോ വൈറലാകുന്നു. മുൻ ബാസ്കറ്റ് ബോൾ താരമായ റെക്സ് ചാപ്മാന്‍ ആണ് ഹൃദ്യമായ ഈ വിഡിയോ ട്വീറ്റ് ചെയ്തത്. 59 സെക്കന്റാണ് വിഡിയോയുടെ ദൈർഘ്യം.

കാമുകിയുടെ മുടി ട്രിമ്മർ ഉപയോഗിച്ച് നീക്കം ചെയ്തശേഷം യുവാവ് തന്റെ മുടിയും നീക്കം ചെയ്യാൻ തുടങ്ങി. ഇതു കണ്ട് കാമുകി കരയുന്നതും യുവാവ് കെട്ടിപ്പിടിച്ച് ഉമ്മ നൽകുന്നതുമാണ് വിഡിയോയിലുള്ളത്. ‘‘അലോപേഷ്യയെ തുടർന്നുള്ള മുടികൊഴിച്ചിൽ മൂലം അവന്റെ കാമുകി ബുദ്ധിമുട്ടുകയായിരുന്നു. മനുഷ്യത്വം’’ – വിഡിയോ പങ്കുവച്ച് റെക്സ് ചാപ്മാന്‍ കുറിച്ചു.

ജൂലൈ 30ന് റെക്സ് പങ്കുവച്ച ഈ വിഡിയോ ഇതുവരെ 1.2 കോടി വ്യൂസും 40,000 റീട്വീറ്റും നേടി. കാമകുനെ അഭിനന്ദിച്ച് നിരവധി കമന്റുകളുണ്ട്. ഇരുവരും ഒന്നിച്ച് ദീർഘകാലം ജീവിക്കട്ടെ എന്നും സോഷ്യൽ ലോകം ആശംസിക്കുന്നു. 

English Summary : boyfriend shaving the head of his girlfriend, video goes viral