ADVERTISEMENT

വിവാഹത്തിന്റെ ആദ്യ നാളുകളിൽ പരസ്പരമുള്ള പ്രണയവും ആകാംക്ഷയും വളരെ കൂടുതലായിരിക്കും. നിരന്തമായുള്ള പുറത്തുപോകലുകൾ, നീണ്ട സംസാരങ്ങൾ ഇങ്ങനെ മനോഹരമായ ഒരു കാലഘട്ടമാണിത്. എന്നാൽ കാലം കഴിയും തോറും ദാമ്പത്യത്തിൽ മടുപ്പ് വന്നുനിറയാനുള്ള സാധ്യതയുണ്ട്. കുറച്ച് സമയവും ബോധപൂർവമായ ശ്രമവും ഉണ്ടെങ്കിൽ ഈ പ്രശ്നം തരണം ചെയ്യാവുന്നതേ ഉള്ളൂ. അതിനായി ചെയ്യാവുന്ന ചില കാര്യങ്ങള്‍ ഇതാ. 

∙ അറിഞ്ഞ് പെരുമാറാം 

പങ്കാളി ആഗ്രഹിക്കുന്ന തരത്തിലുള്ള സ്നേഹബന്ധം ഉണ്ടാക്കാൻ ശ്രമിക്കുക. പലരും പല തരത്തിലുള്ള സ്നേഹ പ്രകടനമാണ് ആഗ്രഹിക്കുക. പങ്കാളിയുടെ ആവശ്യം മനസ്സിലാക്കി പെരുമാറുമ്പോൾ ബന്ധങ്ങൾ കൂടുതൽ ഊഷ്മളമാകും. 

∙ ആശങ്ക വേണ്ട

മടുപ്പ് ബന്ധങ്ങളിൽ ഒഴിവാക്കാനാവാത്തതാണെന്ന എന്ന തോന്നൽ വിവാഹ ജീവിതത്തെ മോശമായി ബാധിക്കും. കാലങ്ങൾക്കുശേഷവും പരസ്പരം സ്നേഹത്തോടെ മുന്നോട്ടുപോകുന്ന ബന്ധങ്ങൾ ചുറ്റും ഉണ്ട് എന്ന് മനസ്സിലാക്കുക.

∙ പ്രണയ കാലത്തേക്ക് തിരിച്ചുപോകാം 

പ്രണയം തുടങ്ങിയ സമയത്തു ഒരുമിച്ചു ചെയ്തിരുന്ന കാര്യങ്ങൾ ആവർത്തിക്കുന്നത് ബന്ധങ്ങൾ മടുപ്പില്ലാതെ മുന്നോട്ടു കൊണ്ടുപോകാൻ സഹായിക്കും. സിനിമയ്ക്ക് പോവുക, പുറത്തുനിന്നും ഭക്ഷണം കഴിക്കുക, മനസ്സ് തുറന്ന് സംസരിക്കുക ഇങ്ങനെനെയുള്ള കാര്യങ്ങൾ മടുപ്പ് ഒഴിവാക്കാൻ സഹായിക്കും.

∙ തമാശ പറയാം, സന്തോഷിക്കാം

കുറച്ചൊക്കെ കുട്ടിത്തവും കളിയും കാണിക്കുന്ന ബന്ധങ്ങൾക്ക് രസം കൂടുതലാണ്. ഒരുമിച്ച് തമാശ പറയാനും ചിരിക്കാനും സമയം കണ്ടെത്തുന്ന ദമ്പതികളിൽ പരസ്പര വിശ്വാസവും സ്നേഹവും കൂടുതലായിരിക്കും എന്നു പഠനങ്ങൾ പറയുന്നു. 

English Summary : Ways to deal with boredom in marriage

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com