‘കുടുംബ ചിത്രം എടുക്കാനുള്ള ബുദ്ധിമുട്ട്’; ചിരിപടർത്തി കരീന കപൂർ

ഭർത്താവ് സെയ്ഫ് അലി ഖാൻ, മക്കളായ തൈമൂർ, ജെഹാംഗീർ എന്നിവർക്കൊപ്പമുള്ള ചിത്രം പങ്കുവച്ച് നടി കരീന കപൂർ. ബോളിവുഡ് താരങ്ങളായ ആലിയ, രൺബീർ എന്നിവരുടെ വിവാഹത്തിന് എത്തിയപ്പോൾ പകർത്തിയ ചിത്രമാണിത്. 

നല്ലൊരു കുടുംബചിത്രത്തിനാണ് ശ്രമിച്ചതെങ്കിലും അവസാനം ഇത്തരമൊന്നാണ് ലഭിച്ചതെന്ന് കരീന ഇതോടൊപ്പം കുറിച്ചു.

‘‘ഒരു കുടുംബ ചിത്രം എടുക്കാനുള്ള ശ്രമം

സൈഫു  ഒന്ന് ചിരിക്കൂ...

തൈമൂർ മൂക്കിൽ നിന്ന് വിരൽ എടുക്കൂ,

ജെഹാംഗീർ ബേബി ഇങ്ങോട്ട് നോക്കെടാ..

ഞാൻ: ആരെങ്കിലുമൊന്ന് ഫോട്ടോ എടുക്കൂ

ക്ലിക്ക്♥️

എന്നിട്ട് ഇതാണ് എനിക്ക് ലഭിച്ചത് മാന്യരേ. 

എന്റെ ജീവിതത്തിലെ ആണുങ്ങള്‍, എന്റെ ലോകം’’

താരത്തിന്റെ ഫോട്ടോയും കുറിപ്പും ആരാധകരെ രസിപ്പിച്ചു. സമാനമായ അനുഭവം പലരും കമന്റ് ചെയ്യുന്നുണ്ട്. എന്തായാലും കരീനയുടെ ഈ കുടുംബചിത്രം വൈറലാണ്.