യോജിച്ച പങ്കാളിയെ കണ്ടെത്താൻ 6 കാര്യങ്ങൾ

ways-to-choose-the-right-life-partner
പ്രതീകാത്മക ചിത്രം∙ Image Credits: Jelena Danilovic/ Istock.com
SHARE

സ്നേഹിക്കുകയും മനസിലാക്കുകയും ചെയ്യുന്ന പങ്കാളി എന്നത് എല്ലാവരുടെയും സ്വപ്നമാണ്. ചിലർക്ക് ആഗ്രഹിച്ചതു പോലൊരു പങ്കാളിയെ ലഭിക്കും. എന്നാൽ ചിലരുടെ പങ്കാളി ആഗ്രഹങ്ങളിൽ നിന്നു തീർത്തും വ്യത്യസ്തരായ വ്യക്തിയാവും. നിങ്ങൾക്ക് യോജിച്ച പങ്കാളിയെ കണ്ടെത്താൻ ചില വഴികൾ. 

∙ കേൾക്കൂ

ഒരാളെ മനസ്സിലാക്കാൻ വലിയ കാര്യങ്ങളൊന്നും ചെയ്യണമെന്നില്ല. തനിക്കു യോജിച്ച പങ്കാളിയാണോ എന്നു മനസ്സിലാക്കാൻ കേട്ടാൽ മാത്രം മതിയാകും. സംസാരവും അതു കേൾക്കാനുള്ള മനസ്സും നിങ്ങളുടെ പങ്കാളിയിലും നല്ല മാറ്റങ്ങൾ സൃഷ്ടിക്കും.

∙ പൊതുവായ ഇഷ്ടങ്ങൾ

നിങ്ങളുടെ ഇഷ്ടങ്ങളുമായി സാമ്യങ്ങളുള്ള പങ്കാളിയെ കണ്ടെത്തുക. പരസ്പരം ഒന്നിലും പൊരുത്തമില്ലെങ്കിൽ ഇഷ്ടക്കേടുകൾ മാത്രം ബാക്കിയാകുകയും ജീവിതത്തിന്റെ താളം തെറ്റുകയും ചെയ്യും. 

∙ ഒരുമ വേണം

പങ്കാളികൾ ജീവിതത്തിൽ ഒരുപോലെ ഇടപെടുകയും ഏതു സാഹചര്യത്തിലും ഒരുമിച്ച് നിൽക്കുകയും ചെയ്യുമ്പോഴാണ് ദാമ്പത്യം ശക്തമാകുന്നത്. മാനസികവും ശാരീരികവുമായി ഒരുമയ്ക്ക് ഇതിൽ പ്രാധാന്യമുണ്ട്. ചെറിയ സ്പർശനത്തിലൂടെ ഉണ്ടാകുന്ന സ്നേഹപ്രകടനം പോലും ബന്ധത്തിന്റെ കരുത്ത് വർധിപ്പിക്കും.

∙ പരസ്പരം അറിയാം

ഉടനെ വിവാഹിതരാകാണമെന്നു വാശി പിടിക്കുന്നവരിൽനിന്ന് അകൽച്ച പാലിക്കുന്നതാണ് നല്ലത്. നിശ്ചയത്തിനുശേഷം ആറു മാസമെങ്കിലും കഴിഞ്ഞായിരിക്കണം വിവാഹം. പരസ്പരം നന്നായി മനസ്സിലാക്കാനും എന്തെങ്കിലും പ്രശ്നമുണ്ടെങ്കിൽ ബന്ധം ഒഴിയാനും ഈ സമയം ഉപകരിക്കും.

∙ ഡ്രൈവിന് പോകാം

പങ്കാളിയുമായി ഒരു ഡ്രൈവിന് പോകുക. ഏറെ നേരം സംസാരിക്കാനും സ്വഭാവ രീതികളും കാഴ്ചപ്പാടുകളും മനസ്സിലാക്കാനും ഇത്തരം യാത്രകൾ സഹായിക്കും.

∙ ചിരിപ്പിക്കുന്നവർ

നിങ്ങൾക്ക് എപ്പോഴും സന്തോഷങ്ങളും സർപ്രൈസുകളും തരുന്ന, നിങ്ങളെ ചിരിപ്പിക്കുന്ന പങ്കാളിയെ കണ്ടെത്തുക. ജീവിതത്തിൽ തമാശകൾക്കുള്ള പങ്ക് വളരെ വലുതാണ്. വലിയ സങ്കീർണ്ണമായ പ്രശ്നങ്ങൾപോലും ഒരു തമാശയിലോ ചിരിയിലോ അലിഞ്ഞില്ലാതാകും.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

സ്ഥിരം പരിപാടികൾ അല്ല ഇനി! - Mathew Thomas | Christy Movie | Latest Chat

MORE VIDEOS