‘ഇനി ആർക്കും ഇങ്ങനെ ഉണ്ടാവാതിരിക്കട്ടെ, അമ്മയ്ക്ക് സർജറി വേണം’; വിഡിയോയുമായി അമൃത നായർ
Mail This Article
ടെലിവിഷൻ പ്രേക്ഷകർക്ക് സുപരിചിതയായ നടിയാണ് അമൃത നായർ. നിരവധി സീരിയലുകളിലൂടെയും ഷോകളിലൂടെയും ഹിറ്റായി മാറിയ അമൃത സ്വന്തം യൂട്യൂബ് ചാനലിലൂടെ തന്റെ വിശേഷങ്ങളെല്ലാം പങ്കുവെക്കാറുണ്ട്. യൂട്യൂബ് വിഡിയോകളിലൂടെ അമൃതയുടെ അമ്മയും പ്രേക്ഷകർക്ക് സുപരിചിതരാണ്. ഇപ്പോഴിതാ അമ്മയുടെ അസുഖത്തെ പറ്റി വെളിപ്പെടുത്തിയിരിക്കുകയാണ് അമൃത.
മൂന്നു മിനിറ്റ് ദൈർഘ്യമുള്ള വിഡിയോയിൽ അമ്മയുടെ ആരോഗ്യാവസ്ഥയെ കുറിച്ചാണ് അമൃത പറയുന്നത്. പെട്ടെന്ന് ഒരു ദിവസം ലൊക്കേഷനിൽ വെച്ച് അമ്മയ്ക്ക് നെഞ്ചു വേദന വന്നു. പിന്നാലെ തല കറങ്ങി വീണു. ആശുപത്രിയിൽ കാണിച്ചെങ്കിലും മൈനർ അറ്റാക്കിന്റെ ലക്ഷണമാണെന്നാണ് ഡോക്ടർ പറഞ്ഞത്. വീട്ടിൽ തിരിച്ചെത്തി വീണ്ടും അതേ അവസ്ഥ വന്നെന്നും ആശുപത്രിയിലെത്തിയപ്പോഴാണ് യൂട്രസിൽ ഫൈബ്രോയ്ഡ് ഉണ്ടായിരുന്നു എന്നറിഞ്ഞതെന്നും അമൃത വിഡിയോയിൽ പറഞ്ഞു.
പല തവണ ബ്ലീഡിങ് വന്നെങ്കിലും അതൊന്നും കാര്യമാക്കാതിരുന്നതുകൊണ്ട് ഇനി സർജറി മാത്രമേ വഴിയുള്ളു എന്നും യൂട്രസ് റിമൂവ് സർജറിക്ക് പോകുമ്പോൾ അമ്മയ്ക്ക് ടെൻഷനുണ്ടെന്നും താരം പറഞ്ഞു. ഇതോടൊപ്പം തന്നെ ഇത്തരം പ്രശ്നങ്ങളുണ്ടായാൽ എല്ലാവരും ശ്രദ്ധിക്കണമെന്നും അമൃത വിഡിയോയിൽ പറഞ്ഞു.
Content Summary: Amrutha Nair about her mother Surgery