മലയാള ടെലിവിഷൻ പ്രേക്ഷകർക്ക് ഏറെ പ്രിയപ്പെട്ട ജോഡിയാണ് സ്നേഹയും ശ്രീകുമാറും. കുഞ്ഞതിഥിക്കായുള്ള കാത്തിരിപ്പിലാണ് ഇരുവരും. സമൂഹ മാധ്യമങ്ങളിലൂടെ ഗർഭകാല വിശേഷങ്ങളെല്ലാം പങ്കുവക്കുന്ന സ്നേഹയുടെയും ശ്രീകുമാറിന്റെയും പുത്തൻ വിഡിയോ സമൂഹ മാധ്യമങ്ങളിൽ വൈറലാകുന്നു. നിറവയറിലുള്ള ഒരു മ്യൂസിക്കൽ വിഡിയോ ആണ് ആരാധകരുമായി പങ്കുവച്ചത്.
‘പൊന്നൂഞ്ഞാലി’ എന്ന ഗാനത്തിന്റെ ദൃശ്യവിഷ്കാരമാണ് ഇത്തവണ ഇരുവരും പ്രേക്ഷകർക്കായി ഒരുക്കിവച്ചത്. സ്നേഹത്തോടെ കുഞ്ഞിനെ കാത്തിരിക്കുന്ന അച്ഛന്റെയും അമ്മയുടെയും സന്തോഷമാണ് വിഡിയോയിലുടനീളം. ഭാര്യയെ സ്നേഹത്തോടെ താലോലിക്കുന്ന ശ്രീകുമാറും സ്നേഹയുടെ നൃത്തച്ചുവടുകളുമെല്ലാം മനസ്സിന് കുളിർമയേകുന്ന കാഴ്ചയാണ്.
അബ്ബാദ് റാം മോഹനാണ് വിഡിയോ സംവിധാനം ചെയ്തത്. നിരവധിപേരാണ് പ്രിയപ്പെട്ടവർക്ക് ആശംസകളുായെത്തുന്നത്.
