ജനിക്കുന്നത് പെൺകുഞ്ഞാണെങ്കിൽ പേടിക്കേണ്ട, ഡോക്ടർ ഗണേഷ് രാഖ് നിങ്ങളുടെ പ്രസവം സൗജന്യമായി എടുക്കും. 2007 ലാണ് ഇദ്ദേഹം പ്രസവത്തിനായി പൂനയിൽ ഒരു ആശുപത്രി തുടങ്ങിയത്. പാവപ്പെട്ടവരായ രക്ഷിതാക്കൾക്കളെ സഹായിക്കാനുദ്ദേശിച്ചായിരുന്നു ഇൗ സംരംഭം.
എന്നാൽ ആശുപത്രിയുടെ പ്രവർത്തനം വ്യപിപ്പിക്കുന്നതിനിടയിലാണ് നാട്ടിൽ പെൺഭ്രൂണഹത്യ കൂടി വരുന്നതായി ഇദ്ദേഹത്തിന്റെ ശ്രദ്ധയിൽപ്പെട്ടത്. ഇതിനൊരു മറുമരുന്നായാണ് ആശുപത്രിയിൽ ജനിക്കുന്ന പെൺകുഞ്ഞിന്റെ മാതാപിതാക്കൾക്ക് ഫീസ് സൗജന്യമാക്കുന്നുവെന്ന തീരുമാനം അദ്ദേഹം കൈക്കൊണ്ടത്. സുഖപ്രസവമാണെങ്കിലും സിസേറിയനാണെങ്കിലും ഫീസ് സൗജന്യമാണ്. മാത്രമല്ല പെൺകുട്ടിയുടെ ജനനം ഇവിടെ മധുരം നൽകി ആഘോഷിക്കുകയും ചെയ്യും.
പെൺകുട്ടിയാണ് തന്റെ വയറ്റിലുള്ളത് എന്നറിയുമ്പോൾ അമ്മ അനുഭവിക്കുന്ന മാനസിക വിഷമവും പീഡനങ്ങളും നേരിൽ കണ്ടിട്ടുള്ളതുകൊണ്ടാണ് ഇത്തരമൊരു തീരുമാനം എടുത്തതെന്ന് ഡോ.ഗണേഷ് പറയുന്നു. ഗർഭാസ്ഥയിലുള്ള കുട്ടികളുടെ ലിംഗ നിർണയം ദയവുചെയ്ത് നടത്തരുതെന്ന ഒരു അപേക്ഷയാണ് ഇദ്ദേഹത്തിന് മറ്റു ഡോക്ടർമാരോട് പറയാനുള്ളത്. പകരം പെൺകുട്ടികളെ സ്വീകരിക്കാൻ രക്ഷകർത്താക്കളെ മാനസീകമായി തയ്യാറാക്കുക എന്നുമാണ്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.