ഫോർമൽ പ്ലസ് ഹോംവെയർ, മലയാളി പൊളിയല്ലേ; ശ്രദ്ധ നേടി പരസ്യ ചിത്രം
Mail This Article
വീട്ടിലിരുന്നുള്ള ഓഫിസ് ജോലി വ്യപാകമായതോടെ മലയാളികളുടെ വസ്ത്രധാരണത്തിലും മാറ്റം സംഭവിച്ചിരിക്കുകയാണ്. രാവിലെ തന്നെ ഫോർമൽ പാന്റ്സും ഷർട്ടും ധരിച്ച് മസിലു പിടിച്ച് ഓഫിസിൽ പോകണ്ട കാര്യം ഇപ്പോഴില്ലല്ലോ. രാവിലെ എണീറ്റ് കുളി കഴിഞ്ഞ് മലയാളിയുടെ ദേശീയ വസ്ത്രമായ ആ ലുങ്കിയെടുത്ത് മടക്കിയുടുത്ത് ലാപ്ടോപ്പിനു മുമ്പിൽ ഇരുന്നാൽ പോരെ. ലുങ്കിയുടുത്താൽ മലയാളി ഡബിൾ കംഫർട്ടബിൾ ആകുമെന്നതിനാൽ ജോലിയും സുഖകരം.
ജോലിയുടെ ഭാഗമായുള്ള വിഡിയോ കോളുകൾക്ക് വേണ്ടി പകുതി ഫോർമലും പകുതി ഹോംവെയറും ആകുന്നതാണു പുതിയത ട്രെൻഡ്. ഫോർമൽ ഷർട്ടും കോട്ടും ഒപ്പം നമ്മുടെ ലുങ്കിയും ചേരുന്ന സ്റ്റൈലിഷ് കോംബോ. ജോലിക്കു ജോലി, കംഫർട്ടിനു കംഫർട്ട്, സ്റ്റൈലിനു സ്റ്റൈല്. എല്ലാം ചേരുമ്പോൾ ലോക്ഡൗൺ പ്രതിസന്ധികൾക്കിടയിലും മനസ്സിനൊരു ആശ്വാസം.
ഈ ആശയം പങ്കുവച്ചുകൊണ്ട് കൊച്ചി ആസ്ഥാനമായുള്ള ദി ലോക്കല് നെറ്റ് വർക്സ് എന്ന അഡ്വർടൈസിങ് ഏജന്സി കിറ്റക്സ് ലുങ്കികള് വേണ്ടി ഒരുക്കിയ പരസ്യചിത്രം സമൂഹമാധ്യമങ്ങളിൽ ശ്രദ്ധേ നേടി. മാറുന്ന മലയാളിക്ക് മാറ്റിയുടുക്കാന് പല നിറങ്ങളിലും ഡിസൈന്സിലും കിറ്റക്സ് ലുങ്കികള് വിപണിയില് സുലഭമാണ്. ഇപ്പോഴത്തെ സാഹചര്യം മുണ്ടു മുറുക്കിയുടുത്തു തന്നെ മറികടക്കാം എന്നാണു പരസ്യത്തിലൂടെ കാണിച്ചു തരുന്നത്.