12,628 വജ്രക്കല്ലുകളുള്ള ഐശ്വര്യത്തിന്റെ മോതിരവുമായി ഇന്ത്യക്കാരൻ; ഗിന്നസ് റെക്കോർ‍ഡ്

HIGHLIGHTS
  • 165 ഗ്രാം ആണ് മോതിരത്തിന്റെ തൂക്കം
  • മോതിരം വിൽക്കുന്നില്ല എന്നാണ് തീരുമാനം
indian-jewellers-12638-diamond-ring-sets-world-record
Image Credits : RENANI JEWELS / Shutterstock.com
SHARE

12,638 വജ്രക്കല്ലുകൾ പതിപ്പിച്ച മോതിരത്തിന് ഗിന്നസ് വേൾഡ് റെക്കോർഡ്. ജ്വല്ലറി ഉടമയായ ഹര്‍ഷിത് ബൻസാൽ നിർമിച്ച ഈ മോതിരത്തിന് ഏറ്റവും കൂടുതൽ വജ്രക്കല്ലുകളുള്ള മോതിരം എന്ന റെക്കോർഡാണ് ലഭിച്ചത്. 7,801 വജ്രക്കല്ലുകൾ പതിപ്പിച്ച മോതിരത്തിന്റെ റെക്കോർഡാണ് മറികടന്നത്.

‘മാരിഗോൾഡ് – ഐശ്വര്യത്തിന്റെ മോതിരം’ എന്നു പേരിട്ടിരിക്കുന്ന മോതിരത്തിന് 165 ഗ്രാം ആണ് തൂക്കം. ഹർഷിതിന്റെ രണ്ടു വര്‍ഷത്തെ പരിശ്രമത്തിന്റെ ഫലമാണിത്. സൂറത്തിൽ ആഭരണ ഡിസൈൻ പഠിക്കുന്ന സമയത്താണ് 10,000 വജ്രക്കല്ലുകൾ ഉള്ള മോതിരം എന്ന ആശയം വികസിപ്പിക്കുന്നത്. തുടർന്ന് ഡിസൈൻ ചെയ്യാനുള്ള ശ്രമങ്ങൾ ആരംഭിച്ചു. നിരവധി ശ്രമങ്ങൾക്കൊടുവിലാണ് എട്ടു ലെയറിൽ ചെറിയ ഇതളുകളുള്ള പൂവിന്റെ ഡിസൈന്‍ തയാറാക്കിയത്. 

ring-1
Image Credits : RENANI JEWELS / Shutterstock.com

മോതിരം അനായാസം ധരിക്കാൻ സാധിക്കുമെന്നും ഈ ഡിസൈൻ വേറെയില്ലെന്നും ഹർഷിത് അവകാശപ്പെടുന്നു. വാങ്ങാനായി പലരും താൽപര്യം പ്രകടിപ്പിച്ചെന്നും എന്നാൽ വിൽക്കേണ്ടെന്നാണ് തീരുമാനമെന്നും ഹർഷിത് മാധ്യമങ്ങളോട് പ്രതികരിച്ചു. 

English Summary : Indian jeweller's 12,638-diamond ring sets world record

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN STYLE FACTOR
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA