ആഡംബര വസ്ത്രങ്ങൾക്കു പിന്നിലെ അറിയാക്കഥകളുമായി ‘ദ് ഹ്യൂമൻ സൈഡ് ഓഫ് ലക്ഷ്വറി’

ആഡംബര വസ്ത്രങ്ങളുടെ പിന്നിലെ ജീവിതങ്ങള്‍ വെളിപ്പെടുത്തുന്ന ഡോക്യുമെന്ററി ‘ദ് ഹ്യൂമൻ സൈഡ് ഓഫ് ലക്ഷ്വറി’ ശ്രദ്ധ നേടുന്നു. സെന്റർ ഓഫ് ഗ്രാവിറ്റി തയാറാക്കിയ ഡോക്യുമെന്ററി ആഡംബര വസ്ത്രങ്ങളുടെ പൂർണതയ്ക്കു വേണ്ടി കഠിനാധ്വാനം ചെയ്യുന്ന സാവൈൽ റോ സ്ട്രീറ്റിലെ സാധാരണക്കാരുടെയും തയ്യൽക്കാരുടെയും ജീവിതമാണ് പറയുന്നത്. 

പൂർണതയുള്ള ഒരു വസ്ത്രം ഒരുക്കാനുളള ഘട്ടങ്ങളും സാവൈൽ റോ സ്ട്രീറ്റിന്റെ വികാസവും ആഡംബര വസ്ത്രധാരണത്തിനു പിന്നിലെ കഷ്ടപ്പാടുകൾ നിറഞ്ഞതും ഒപ്പം രസകരവുമായ കഥകൾ ഡോക്യുമെന്ററി പങ്കുവയ്ക്കുന്നു. 

സ്വരൂപ് ശങ്കർ ആണ് ഡോക്യുമെന്ററി സംവിധാനം ചെയ്തത്. രാജേഷ് സഹദേവനാണ് നിർമാണവും അവതരണവും. സുദീപ് ജോഷിയാണ് ക്രിയേറ്റീവ് ഡയറക്ടർ.