അനുഷ്ക ശർമയുടെ ഗർഭകാല വസ്ത്രങ്ങൾ വിൽപ്പനയ്ക്ക്

തന്റെ ഗർഭകാല വസ്ത്രങ്ങൾ വിൽപനയ്ക്ക് വച്ച് നടി അനുഷ്ക ശർമ. ഓൺലൈനിലൂടെയാണ് വിൽപന. ഇതിലൂടെ ലഭിക്കുന്ന പണം ജീവകാരുണ്യ പ്രവർത്തനങ്ങൾക്ക് നൽകാനാണു തീരുമാനം.

ഇങ്ങനെ വസ്ത്രങ്ങളുടെ പുനരുപയോഗം പരിസ്ഥിതിക്ക് ഗുണകരമാകുമെന്ന് അനുഷ്ക പറയുന്നു. ഇന്ത്യയുടെ നഗരമേഖലകളിലുള്ള ഗർഭിണികളിൽ ഒരു ശതമാനം പേർ പുതിയതിനു പകരം ഇത്തരം ഒരു വസ്ത്രം വാങ്ങാൻ തയ്യാറായാൽ ഒരോ വർഷവും ഒരാൾക്ക് 200 വർഷം കുടിക്കാനുള്ള വെള്ളം സംരക്ഷിക്കാനവുമെന്നും ഇൻസ്റ്റഗ്രാമിൽ അനുഷ്ക കുറിച്ചു.

ഗർഭകാലയളവിൽ അനുഷ്ക ഉപയോഗിച്ച വസ്ത്രങ്ങൾ ശ്രദ്ധ നേടിയിരുന്നു. 2021 ജനുവരിയിലാണ് അനുഷ്ക ശർമ–വിരാട് കോലി ദമ്പതികൾക്ക് കുഞ്ഞു പിറന്നത്.

English Summary : Anushka Sharma Puts Up Her Favourite Maternity Clothes For Sale