പെർഫ്യൂമിന്റെ ഗന്ധം നിലനിൽക്കുന്നില്ല? ചെയ്യേണ്ടത്

‘എത്ര ഉപയോഗിച്ചിട്ടും ഏതാനും മണിക്കൂറുകൾ മാത്രമേ പെര്‍ഫ്യൂമിന്റെ ഗന്ധം നിലനിൽക്കുന്നുള്ളൂ’– ഈയൊരു പ്രശ്നം നേരിടുന്നവർ നിരവധിയാണ്. എന്താണ് ഇതിനു കാരണമെന്നു പലർക്കും അറിയില്ല. ഇതിനു പിന്നിൽ പല കാരണങ്ങൾ ഉണ്ട്. അതു മനസ്സിലാക്കിയാൽ പ്രശ്നം എളുപ്പം പരിഹരിക്കാം. 

∙ അമിത ഉപയോഗം

സുഗന്ധം ലഭിക്കാൻ ധാരാളം പെർഫ്യൂം ഉപയോഗിക്കേണ്ടതില്ല. അമിത ഉപയോഗം രൂക്ഷഗന്ധം ഉണ്ടാക്കുകയും മറ്റുള്ളവർക്ക് അസ്വസ്ഥത തോന്നാൻ കാരണമാവുകയും ചെയ്യും. കക്ഷം, പിൻ കഴുത്ത്, കൈ മുട്ടുകൾ എന്നിവിടങ്ങളിലാണ് പെർഫ്യൂം പ്രയോഗിക്കേണ്ടത്. മിതമായ അളവിലായിരിക്കണം ഉപയോഗം. 

∙ കുളി കഴിഞ്ഞാൽ പെർഫ്യൂം 

എവിടെയെങ്കിലും പോകും മുൻപ് അല്ല, കുളി കഴിഞ്ഞയുടനെ പെർഫ്യൂം ഉപയോഗിക്കുന്നതാണ് ഉചിതം. എന്നാൽ ശരീരം നന്നായി തുടച്ച് വെള്ളമെല്ലാം പോയി എന്ന് ഉറപ്പു വരുത്തണ്ടതുണ്ട്. ഇതു സുഗന്ധം കൂടുതൽ നേരം നിലനിൽക്കാൻ സഹായിക്കും. 

∙ വസ്ത്രത്തിലല്ല, ശരീരത്തിൽ 

ശരീരത്തിൽ ഉപയോഗിക്കേണ്ട പെർഫ്യൂമകൾ ആണെങ്കിൽ കൂടി വസ്ത്രത്തിൽ ഉപയോഗിക്കുന്ന  നിരവധിപ്പേരുണ്ട്. ഇങ്ങനെ ചെയ്താൽ സുഗന്ധം കൂടുതൽ നേരം നിലനിൽക്കും എന്ന ചിന്തയാണ് കാരണം. എന്നാൽ ഇത് തെറ്റാണ്. ശരീരത്തിലെ നാച്യുറൽ ഓയിലുകളുമായി പ്രവർത്തിക്കുമ്പോഴാണ് പെർഫ്യൂമുകളിൽ നിന്ന് കൂടുതൽ സുഗന്ധം ഉണ്ടാവുക.

∙ വ്യാജന്മാരെ സൂക്ഷിക്കാം

പല ബ്രാന്റ‍ഡ് പെർഫ്യൂമുകളുടെയും വ്യാജന്മാർ വിപണിയിൽ ലഭ്യമാണ്. ഓൺലൈനുകളിലും വഴിയോര കച്ചവടകേന്ദ്രങ്ങളിലും ഇവ വ്യാപകമായി വിൽപ്പനയ്ക്ക് എത്തുന്നുമുണ്ട്. ബ്രാൻഡ് പെർഫ്യൂമിന്റെ അതേ സുഗന്ധമൊക്കെ തോന്നിക്കും. പക്ഷേ, സുഗന്ധം പെട്ടെന്നു തന്നെ നഷ്ടമാകും എന്നതാണ് ഇവയുടെ ഏറ്റവും വലിയ പോരായ്മ. ചർമത്തിന് അസ്വസ്ഥത അനുഭവപ്പെടാനുള്ള സാധ്യതയുമുണ്ട്.

ആമസോൺ പ്രൈം ഡേ ഷോപ്പിങ്ങിലൂടെ ബ്രാന്റഡ് പെർഫ്യൂമുകൾ വൻ വിലക്കുറവിൽ വാങ്ങാം. ദ് ബോഡി ഷോപ്പ്, ജാഗ്വർ, ലോറിയാൽ എന്നിവ ഉൾപ്പടെ രാജ്യാന്തര ബ്രാൻഡുകൾക്ക് 50 ശതമാനം വരെ വിലക്കുറവുണ്ട്. മികച്ച പെർഫ്യൂമുകൾ വാങ്ങാൻ ക്ലിക് ചെയ്യൂ.   

∙ പെർഫ്യൂമും ലോഷനും 

ബോഡി ലോഷനുകൾ പുരട്ടിയശേഷം പെർഫ്യൂമുകൾ ഉപയോഗിക്കുന്നവർ ഉണ്ടാകും. ലോഷ്യനും പെർഫ്യൂമും രണ്ടും വ്യത്യസ്ത ഗന്ധം ഉള്ളവയാണെങ്കിൽ പെർഫ്യൂമിന്റെ ഗന്ധം അധികനേരം നിലനിൽക്കില്ല.‍ ആയതിനാൽ അധികം മണമില്ലാത്തതോ, പെർഫ്യൂമിന് യോജിക്കുന്നതോ ആയ ലോഷനുകൾ ഉപയോഗിക്കാൻ ശ്രദ്ധിക്കുക.

∙ സൂക്ഷിക്കാം കരുതലോടെ

അമിതമായ ചൂടും ജലാംശവും ഉള്ള സ്ഥലങ്ങളിൽ പെർഫ്യൂം സൂക്ഷിച്ചാൽ ഇതിന്റെ സുഗന്ധം നഷ്ടമാകും. പെർഫ്യൂമിലെ രാസപദാർഥങ്ങളുടെ സന്തുലിതാവസ്ഥ നഷ്ടമാകുന്നതാണ് ഇതിനു കാരണം. നേരിട്ട് സൂര്യപ്രകാശം ഏൽക്കാത്ത സ്ഥലങ്ങളിൽ പെർഫ്യൂം സൂക്ഷിക്കുക. കുളിമുറികളിൽ സൂക്ഷിക്കുന്ന ശീലമുണ്ടെങ്കിൽ അതും ഒഴിവാക്കാം. 

∙ തിരുമ്മൽ വേണ്ട

പെർഫ്യൂം ഉപയോഗിച്ചു കഴിഞ്ഞാൽ കൈകൊണ്ട് തിരുമ്മി ചൂടുപിടിപ്പിക്കണം എന്നു കരുതുന്നവരുണ്ട്. എന്നാൽ ഇത് തെറ്റിദ്ധാരണയാണ്. സുഗന്ധം നഷ്ടപ്പെടാനേ ഇത് കാരണമാകൂ.

English Summary : Simple Tips to Make Your Perfume Last Longer