കുടുംബ സദസുകള്‍ കീഴടക്കാന്‍ അർച്ചന കവി; റാണി രാജ ഒക്ടോബർ 10 മുതൽ

archana-kavi-stater-rani-raja-serial-telecast-october-10-th
SHARE

നീലത്താമര എന്ന ചിത്രത്തിലൂടെ പ്രേക്ഷക ഹൃദയം കീഴടക്കിയ പ്രമുഖ നടി അർച്ചനാ കവി ആദ്യമായി മിനി സ്ക്രീനിൽ അരങ്ങേറുന്നു. മഴവിൽ മനോരമയിൽ സംപ്രേക്ഷണം ചെയ്യുന്ന റാണി രാജാ എന്ന മെഗാപരമ്പരയിൽ പ്രധാന കഥാപാത്രത്തെ അവതരിപ്പിച്ചു കൊണ്ടാണ് അർച്ചനയുടെ മിനി സ്ക്രീൻ അരങ്ങേറ്റം. അനോന ക്രീയേഷൻസിനു വേണ്ടി ആന്റോ തേവലക്കാട് നിർമിക്കുന്ന റാണി രാജാ പ്രമുഖ സീരിയൽ സംവിധായകൻ പുരുഷോത്തമൻ.വി ആണ് സംവിധാനം ചെയ്യുന്നത്. മഴവിൽ മനോരമയിൽ ഒക്ടോബർ 10 മുതൽ തിങ്കൾ മുതൽ വെള്ളിവരെ രാത്രി 8ന് ആണ് സംപ്രേക്ഷണം. 

സാധാരണ ജീവിത സാഹചര്യങ്ങളിൽ നിന്നും വളർന്ന് കോളജ് അധ്യാപികയായി മാറിയ ആമി എന്ന കഥാപാത്രത്തെയാണ് അർച്ചന അവതരിപ്പിക്കുന്നത്. ധീരമായ നിലപാടുകൾ ഉള്ളവളായിരുന്നു ആമി. അത് ആമിയുടെ ജോലി നഷ്ടപ്പെടാൻ കാരണമായി. എങ്കിലും അവൾ തന്റെ ധീരമായ നിലപാടുകളുമായി മുന്നോട്ടു പോയി.

ജിവിതാനുഭവങ്ങൾ പക്വമതിയാക്കിയ ആമിയെന്ന പെൺകുട്ടിയും, ദയാരഹിതമായ അനുഭവങ്ങൾ കൊണ്ട് മിഥ്യാ ജീവിതത്തിലേക്ക് കൂപ്പ് കുത്തിയ റിഷിയെന്ന യുവാവും തമ്മിലുള്ള സംഘർഷഭരിതമായ ആത്മബന്ധത്തിന്റെ കഥയാണ് റാണി രാജ പറയുന്നത്. പരസ്പരം കൊണ്ടും കൊടുത്തും മുന്നേറുന്ന കഥാപാത്രങ്ങൾ പ്രേഷകരുടെ ഹൃദയം കീഴടക്കും

രചന - സി.വി. ലതീഷ്, മൂലകഥ - ശ്രീജേഷ് മനോഹർ, ക്യാമറ -പ്രദീഷ് നെന്മാറ, പ്രൊഡക്‌ഷൻ കൺട്രോളർ- മാത്യു ഡാനിയേൽ, ആർട്ട് - പ്രവീൺ കുമ്മാട്ടി, മേക്കപ്പ് - ജിജേഷ് ഉത്തരം, കോസ്റ്റ്യൂം ഡിസൈൻ-സരിത സംഗീത്, കോസ്റ്റ്യൂം-സുനിൽ തിരുവിഴ, പ്രൊഡക്‌ഷൻ-ഉമ്മർ കൈതാരം, പി.ആർ.ഒ- അയ്മനം സാജൻ.

അർച്ചനാ കവി, ദരീഷ് ജയശീലൻ, മഞ്ജു സതീഷ്, രാജി മേനോൻ, പൂജിതാ മേനോൻ, ശിവദാസ് കെ.കെ, ദിഷി ജംസ്, ബിന്ദു രാമകൃഷ്ണൻ, ലാൽ മുട്ടത്തറ, ഒ.എം.ഷാ, അർച്ചനാ കൃഷ്ണ, മൻവി സുരേന്ദ്രൻ, അലീന സാജൻ, ഹസിൽ ഹബീബ് എന്നിവർ അഭിനയിക്കുന്നു.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

2022 ഡിസംബർ മാസഫലം

MORE VIDEOS
{{$ctrl.title}}
{{$ctrl.title}}

{{$ctrl.currentDate}}

  • {{item.description}}