ADVERTISEMENT

യുദ്ധം ചെയ്യാൻ മാത്രമല്ല വിശക്കുന്നവന് ആഹാരം നൽകാനും തങ്ങൾ മുന്നിലാണെന്ന് തെളിയിച്ചിരിക്കുകയാണ് ഈ ജവാൻ. തന്റെ കൈയിലെ ഭക്ഷണപ്പാത്രത്തിൽ നിന്നു ഭിന്നശേഷിയുള്ള കശ്മീരി ബാലനു ഭക്ഷണം കൊടുക്കുകയാണ് സിആർപിഎഫ് ജവാനായ ഇക്ബാൽ സിങ്.

കുട്ടിക്ക് തനിയെ ഭക്ഷണം കഴിക്കാൻ കഴിയാത്തതിനാലാണ് ജവാൻ തന്റെ പാത്രത്തിൽ നിന്ന് വാരിക്കൊടുക്കുന്നതെന്നാണ് പാരമിലിറ്ററി ഫോഴ്സ് പറയുന്നത്. 'മനുഷ്യത്വമാണ് എല്ലാ മതങ്ങളുടെയും മാതാവെ'ന്ന അടിക്കുറുപ്പോടെയാണ് ശ്രീനഗറിലെ സിആർപിഎഫ് വിഭാഗം വീഡിയോ തങ്ങളുടെ ട്വിറ്ററിലൂടെ പങ്കുവച്ചിരിക്കുന്നത്.

ശ്രീനഗറിൽ നിന്നുള്ള ഈ വിഡിയോ സമൂഹമാധ്യമങ്ങളിൽ വൈറലായതോടെ സിങ് താരമായി. തുടർന്ന്, മനുഷ്യത്വപൂർണമായ പ്രവൃത്തി കണക്കിലെടുത്തു സിആർപിഎഫ് സിങ്ങിന് പ്രശസ്തിപത്രവും പുരസ്കാരവും നൽകി. പുൽവാമയിൽ ആക്രമണം നേരിട്ട സൈനിക വാഹനവ്യൂഹത്തിലെ ഒരു വാഹനം ഓടിച്ചത് ഇക്ബാൽ സിങ്ങായിരുന്നു. അപകടത്തിൽ പരുക്കേറ്റവരെ രക്ഷിക്കാൻ  ഇക്ബാൽ സിങ് മുന്നിൽ തന്നെ ഉണ്ടായിരുന്നു.

 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com