ഇതാണോ ജനമൈത്രി ക്രിക്കറ്റ് ?, പൊലീസുകാർക്ക് സോഷ്യൽ ലോകത്തിന്റെ അഭിനന്ദനം; വിഡിയോ
Mail This Article
നിമയപരിപാലനത്തിനൊപ്പം ജനങ്ങളോടു ചേർന്നുനിന്ന് പ്രവർത്തിച്ചും ജീവകാരുണ്യ പ്രവർത്തനങ്ങളിൽ പങ്കാളികളുമായി കേരള പൊലീസ് അഭിനന്ദനങ്ങൾ നേടാറുണ്ട്. ഇപ്പോൾ ക്രിക്കറ്റ് കളിച്ച് ശ്രദ്ധ നേടുകയാണ് കേരള പൊലീസ് അംഗങ്ങൾ.
പൊലീസിന്റെ ഈ ജനമൈത്രി ക്രിക്കറ്റ് സമൂഹമാധ്യമങ്ങളിൽ വൈറലാണ്. വിതുര സ്റ്റേഷനിലെ പൊലീസുകാരാണ് പ്രദേശത്തെ യുവാക്കൾക്കൊപ്പം കളിക്കാനിറങ്ങിയതെന്നു വിഡിയോയുടെ ഒപ്പമുള്ള കുറിപ്പിൽ പറയുന്നു. വിക്കറ്റ് വീഴ്ത്തി പൊലീസുകാർ ആഘോഷിക്കുന്നത് വിഡിയോയിൽ കാണാം.
എന്തായാലും പൊലീസുകാരുടെ ജനമൈത്രി ക്രിക്കറ്റിന് നിരവധി അഭിനന്ദനങ്ങളാണു ലഭിക്കുന്നത്. ഇങ്ങനെ സൗഹൃദത്തോടെ ഇടപഴകുന്ന പൊലീസുകാരെയാണ് ജനങ്ങൾ ആഗ്രഹിക്കുന്നതെന്നും, ഇതാവണം പൊലീസ് എന്നും കമന്റുകളുണ്ട്. സ്റ്റേഷനിൽ ഈ ജനമൈത്രിയൊന്നും കാണാറില്ല എന്നും ചിലർക്ക് അഭിപ്രായപ്പെടുന്നുണ്ട്.