‘കുട്ടിക്കുരങ്ങ് വളർന്ന് ഗൊറില്ലയായി’ ; 20 വർഷം മുൻപത്തെ ചിത്രം പങ്കുവച്ച് രഞ്ജിനി ഹരിദാസ്

സഹോദരൻ ശ്രീപ്രിയനൊപ്പമുള്ള 20 വർഷം മുൻപത്തെ ചിത്രം പങ്കുവച്ച് അവതാരകയും നടിയുമായ രഞ്ജിനി ഹരിദാസ്. ഈ കാലയളവില്‍ സഹോദരനിൽ ഉണ്ടായ മാറ്റത്തിൽ അദ്ഭുതം പ്രകടിപ്പിച്ചാണ് രഞ്ജിനി ചിത്രം സമൂഹമാധ്യമത്തിൽ പോസ്റ്റ് ചെയ്തത്.

ഓണത്തോടനുബന്ധിച്ച് എടുത്ത ഒരു ഫോട്ടോയും ഒപ്പം പങ്കുവച്ചിട്ടുണ്ട്. ‘‘എന്റെ ചുമലിലുള്ള ആ കുട്ടിക്കുരങ്ങ് ഒരു ഭീമൻ ഗൊറില്ലയായി വളർന്നു. എങ്ങനെയാണ് 20 വർഷം പറന്നത് !!’’ – ചിത്രങ്ങൾ പങ്കുവച്ച് രഞ്ജിനി കുറിച്ചു.

20 വർഷം പിന്നിട്ടിട്ടും രഞ്ജിനിക്ക് വലിയ മാറ്റമൊന്നും കാണുന്നില്ലെന്നാണ് കമന്റുകളിലൂടെ പലരും അഭിപ്രായപ്പെട്ടത്. 

നേരത്തെ അമ്മയ്ക്കും സഹോദരനുമൊപ്പം ഓണം ആഘോഷിക്കുന്നതിന്റെ ചിത്രങ്ങൾ രഞ്ജിനി പങ്കുവച്ചിരുന്നു. 

English Summary : Ranjini Haridas shared 20 year old image