‘മോഹനവല്ലിയെ കാണാൻ വീട്ടിലെത്തിയപ്പോൾ’ ; സന്തോഷം പങ്കുവച്ച് മഞ്ജു പിള്ളയും വീണ നായരും

ഏറെ നാളുകൾക്കുശേഷം പരസ്പരം കാണാനായതിന്റെ സന്തോഷം പങ്കുവച്ച് മഞ്ജു പിള്ളയും വീണ നായരും. ഗൾഫിൽനിന്ന് നാട്ടിലെത്തിയ വീണ നായർ മഞ്ജുപിള്ളയുടെ വീട്ടിലേക്കും ഫാമിലേയ്ക്കും എത്തുകയായിരുന്നു. ഒന്നിച്ചുള്ള ഏതാനും ചിത്രങ്ങൾ ഇരുവരും സമൂഹമാധ്യമത്തിൽ പങ്കുവച്ചു.

‘‘എപ്പോഴും എനിക്ക് സ്പെഷലായ ഓരാൾ, മഞ്ജു ചേച്ചി... എന്റെ മോഹനവല്ലി. പിള്ളാസ് ഫാമിൽ പോയി അവസാനം മഞ്ജുച്ചേച്ചിയെ ഒന്ന് കാണാനായി’’ – മഞ്ജുവിനും തന്റെ മകനുമൊപ്പമുള്ള ചിത്രം പങ്കുവച്ച് വീണ കുറിച്ചു.

ഒരുപാട് നാളുകൾക്കുശേഷം വീണ പെണ്ണ് വീട്ടിൽ വന്നപ്പോൾ എന്നു കുറിച്ചാണ് മഞ്ജു ചിത്രങ്ങൾ പങ്കുവച്ചത്. തട്ടീം മുട്ടീം പരമ്പരയിൽ  മഞ്ജു അവതരിപ്പിക്കുന്ന കഥാപാത്രമായ മോഹനവല്ലിയുടെ നാത്തൂൻ കഥാപാത്രമായ കോകിലയെ അവതരിപ്പിച്ചത് വീണ ആയിരുന്നു. 

English Summary : Veena nair met Manju Pillai at her home