ചായക്കടയിലും റസലിങ് റിങ്ങിലും എത്തി; ട്രോളുകൾ പങ്കുവച്ച് ശശി തരൂർ

തേങ്ങ ഉടയ്ക്കുന്ന തന്റെ ചിത്രം കൊണ്ടു സൃഷ്ടിച്ച ട്രോളുകൾ സമൂഹമാധ്യമത്തിൽ പങ്കുവച്ച് ശശി തരൂർ എംപി. തിരുവോണ നാളിൽ പെരിങ്ങോട്ടുകാവ് ഭഗവതി ക്ഷേത്രത്തിലെത്തിയ തരൂർ തേങ്ങ ഉടയ്ക്കൽ വഴിപാട് കഴിച്ചിരുന്നു. ഈ ചിത്രമാണ് ട്രോളുകളായി പ്രചരിച്ചത്.

തരൂരിനെ ചായക്കടയിലും ബോക്സിങ് റിങ്ങിലും ക്രിക്കറ്റ് പിച്ചിലുമെല്ലാം കൊണ്ടു വയ്ക്കുകയായിരുന്നു ട്രോളന്മാർ. ആരുടെ ഭാവനയിലാണ് ഇവ ഉണ്ടാകുന്നതെന്ന് അറിയില്ല. വളരെ രസകരമായിരിക്കുന്നു. തനിക്ക് ഇഷ്ടം തോന്നിയവ ഇവയാണ് എന്നു ട്രോളുകള്‍ക്കൊപ്പം തരൂർ കുറിച്ചു.