ചിഞ്ചുവും സുഹൃത്ത് രേഷ്മയും
ആലപ്പുഴ എഴുപുന്നയിലെ സെന്റ് റാഫേൽസ് ഹയർ സെക്കന്ററി അധ്യാപകൻ ജോൺ ഡിറ്റോയുടെ ഫേസ് ബുക്ക് പോസ്റ്റ് വൈറലാകുന്നു. സൊറിയാസിസ് ബാധിച്ച കുട്ടിയെയും സുഹൃത്തിനേയും കുറിച്ചുള്ള കുറിപ്പാണ് വായനക്കാരുടെ മനസിൽ തീരാവേദനയാകുന്നത്. സൊറിയാസിസ് ബാധിച്ച ചിഞ്ചു ആന്റണി എന്ന കുട്ടിയേയും അവളെ സഹായിക്കുന്ന രേഷ്മ എന്ന സുഹൃത്തിനെയും കുറിച്ചാണ് സ്കൂളിലെ അധ്യാപകൻ ഫേസ് ബുക്കിൽ കുറിച്ചിരിക്കുന്നത്.
ഇത് ചിഞ്ചു ആന്റണിയും രേഷ്മ നായരും. എഴുപുന്ന സെന്റ് റാഫേൽസ് ഹയർ സെക്കന്ററി സ്കൂളിൽ പത്താം ക്ലാസ്സിലെ
എന്റെ പ്രിയ വിദ്യാർത്ഥിനികൾ ...
ചിഞ്ചുവിന് ചെറുപ്പം മുതൽ സൊറിയാസിസ് എന്ന ത്വക് രോഗമുണ്ട്. സാമ്പത്തിക പരാധീനതയുള്ള കുടുംബമാണ് ചിഞ്ചുവിന്റേത്. വിദഗ്ദ്ധ ചികിത്സ നൽകിയാൽ ഈ അസുഖം ഭേദപ്പെടും. FBയിലുള്ള
മെഡിക്കൽ രംഗത്തുള്ളവരും ചാരിറ്റി മനസ്സുള്ളവരും ചിഞ്ചുവിന് ഉചിതമായ ചികിത്സാ നിർദ്ദേശങ്ങൾ നൽകണമെന്ന് അഭ്യർത്ഥിക്കുന്നു. കോട്ടയം മെഡിക്കൽ കോളജിൽ രണ്ടു മാസം ചികിൽസിച്ച് മുഖത്തെ കുറെയൊക്കെ ഭേദമായിരുന്നു.
ചിഞ്ചുവിന്റെ കൈ കോർത്തു് പിടിച്ചിരിക്കുന്ന രേഷ്മ നായർ എന്ന കുട്ടിയെക്കുറിച്ചു കൂ'ടി നിങ്ങളറിയണം.
ചിഞ്ചുവിന്റെയൊപ്പം ഒരു സഹായിയായി
നിഴൽ പോലെ എപ്പോഴും രേഷ്മയുണ്ടാവും.
ഒന്നിച്ചേഭക്ഷണം കഴിക്കൂ ..
ചേർത്തു പിടിച്ചേ നടക്കൂ..
ഒറ്റപ്പെട്ടു പോകാമായിരുന്ന ചിഞ്ചുവിനെ നിർമ്മല സ്നേഹം കൊണ്ട് വാരിപ്പിടിച്ചിരിക്കുന്ന രേഷ്മക്കുട്ടി..
അവൾ മതഗ്രന്ഥങ്ങൾ വായിച്ചിട്ടില്ല.
തത്വചിന്ത അറിയില്ല.
സനാതനമൂല്യ പ്രഭാഷണങ്ങൾ കേട്ടിട്ടില്ല.
ഏങ്കിലും സഹജീവി സ്റ്റേഹത്തിന്റെ ,
സൗഹാർദ്ദത്തിന്റെ നിറവ്
രേഷ്മയിൽ ഞാൻ കണ്ടു.
രേഷ്മയുടെ തലയിൽ കൈവച്ച് ഞാനനുഗ്രഹിച്ചു.
മോൾക്ക് നന്മകൾ മാത്രമേ വരൂ ..
അപ്പോൾ ഹൃദയം തുടിച്ചതും
എന്റെ കണ്ണുകൾ നിറഞ്ഞു തുളുമ്പിയതും എന്തുകൊണ്ടായിരിക്കാം?
അപ്പോഴും അവൾ അതിലെന്തൽ ഭുതമെന്ന മട്ടിൽ നിന്നു.
ചിഞ്ചുവിന്റേയും രേഷ്മയുടെയും അദ്ധ്യാപകനാകാൻ കഴിഞ്ഞത്
എന്റെ ഭാഗ്യം!
പത്താം ക്ലാസ്സുകഴിഞ്ഞ് രേഷ്മയും ചിഞ്ചുവും പിരിയും..
അതിനു മുമ്പ് ചിഞ്ചുവിനെ
മിടുക്കിയാക്കി മാറ്റണം..
ചിഞ്ചുവിന്റെ അസുഖം മാറില്ലേ സർ?
രേഷ്മ നായരുടെ ഈ ചോദ്യം ഞാനും നിങ്ങളോടു ചോദിക്കുന്നു.
