sections
MORE

കേരളത്തിലെ രണ്ടാമത്തെ ഗേ ദമ്പതികൾ; നിവേദും റഹിമും വിവാഹിതരായി; ചിത്രങ്ങൾ

nived-weds-rahim-second-gay-marriage-from-kerala
SHARE

കേരളത്തിലെ രണ്ടാമത്തെ ഗേ ദമ്പതികള്‍ എന്ന വിശേഷണത്തോടെ നിവേദും റഹിമും വിവാഹിതരായി. ബെംഗളൂരുവിലെ ചിന്നപനഹള്ളി ലേക്കില്‍ ഞായറാഴ്ച ഉച്ചയ്ക്ക് രണ്ടു മണിയ്ക്കായിരുന്നു വിവാഹം. പാശ്ചാത്യ രീതിയിലുള്ള വിവാഹചടങ്ങിൽ ഉറ്റ സുഹൃത്തുക്കളും ബന്ധുക്കളും പങ്കെടുത്തു.

nived-rahim-wedding-photos-3

അഞ്ചു വർഷം നീണ്ട പ്രണയത്തിനു ശേഷമാണ് ഇരുവരും വിവാഹിതരായത്. പരസ്പരം മോതിരം അണിയിച്ചശേഷം ചുംബനം നൽകി ചടങ്ങുകൾ പൂര്‍ത്തിയാക്കി. നീല നിറത്തിലുള്ള ഷെർവാണി ആയിരുന്നു ഇരുവരുടെയും വേഷം.

nived-rahim-wedding-photos-4

നിവേദ് കൊച്ചി സ്വദേശിയും റഹിം ആലപ്പുഴ സ്വദേശിയുമാണ്. കേരളത്തിലെ ആദ്യ ഗേ ദമ്പതികളായ സോനു–നികേഷ് എന്നിവരുടെ വിവാഹത്തിൽ നിന്നു പ്രചോദനം ഉൾകൊണ്ടാണ് ഇവർ വിവാഹിതരാകാൻ തീരുമാനിച്ചത്.

nived-rahim-wedding-photos-11

ബെംഗളൂരുവിലെ ഒരു സ്വകാര്യ സ്ഥാപനത്തിൽ ക്ലയിന്റ് കോർഡിനേറ്ററാണ് നിവേദ്. റഹിം യുഎഈയിൽ ടെലിഫോൺ എൻജിനീയറാണ്.

nived-rahim-wedding-photos-7

ഡിസംബർ 5ന് ആണ് വിവാഹിതരാകുന്ന വിവരം ഫെയ്സ്ബുക്കിലൂടെ നിവേദ് പങ്കുവച്ചത്. പിന്നീട് പ്രീവെഡ്ഡിങ് ഷൂട്ടും പങ്കുവച്ചു. 

nived-rahim-wedding-photos-6

എല്ലാവരേയും അറിയിച്ച്, മെഹന്ദിയും ഹൽദിയും ഉൾപ്പടെയുള്ള ചടങ്ങുകളോടെയാണ് വിവാഹം നടത്തുകയെന്നും നിവേദ് വ്യക്തമാക്കിയിരുന്നു. വിവാഹിതനാകുന്നു എന്ന നിവേദിന്റെ വെളിപ്പെടുത്തൽ സോഷ്യൽ ലോകത്ത് വലിയ ചർച്ചകള്‍ക്കും തുടക്കും കുറിച്ചിരുന്നു.

nived-rahim-wedding-photos-2

എല്ലാം വിചാരിച്ചതിലും മംഗളമായി നടന്നെന്നും വിവാഹത്തിന് പിന്തുണയുമായി ഒപ്പം നിന്നവരോട് നന്ദിയുണ്ടെന്നും നിവേദ് മനോരമ ഓണ്‍ലൈനോടു പ്രതികരിച്ചു.

nived-rahim-wedding-photos-10

തന്റെ വളർത്തു മകളും ട്രാൻസ്ജെന്ററുമായ നയനയാണ് എല്ലാ കാര്യങ്ങളും ഒരുക്കിയതെന്നും സുഹൃത്തുക്കൾ ഒപ്പം നിന്നെന്നും നിവേദ് പറഞ്ഞു.

nived-rahim-wedding-photos-12
nived-rahim-wedding-photos-1
nived-rahim-wedding-photos-5

English Summary : Nived weds Rahim, Second gay marriage in Kerala

MORE IN WEDDING
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA