വീൽചെയറിലുള്ള അച്ഛനൊപ്പം വിവാഹദിനത്തിൽ മകളുടെ നൃത്തം; ഹൃദയംതൊട്ട് വിഡിയോ
Mail This Article
വീൽചെയറിലുള്ള അച്ഛനൊപ്പം വിവാഹദിനത്തിൽ നൃത്തം ചെയ്യുന്ന മകളുടെ വിഡിയോ വൈറൽ. തെനയ എന്ന യുവതിയാണ് വെഡ്ഡിങ് ഗൗണ് ധരിച്ച് വീൽചെയറിൽ അച്ഛനൊപ്പം സഞ്ചരിച്ച് ‘നൃത്തം’ ചെയ്തത്.
വിവാഹദിനത്തിൽ മകൾക്കൊപ്പം അച്ഛൻ നൃത്തം ചെയ്യുന്ന പതിവ് പലയിടത്തുമുണ്ട്. വീൽചെയറിലുള്ള അച്ഛന് അതിനു സാധിക്കാത്ത സാഹചര്യത്തിലാണ് ഇവർ വ്യത്യസ്തമായ രീതി സ്വീകരിച്ചത്. തന്റെ മടിയിൽ മകളെ ഇരുത്തി, സംഗീതത്തിന് അനുസരിച്ച് അച്ഛൻ വീൽചെയർ ഓടിക്കുകയായിരുന്നു.
തെനയയുടെ സഹോദരൻ ദെക്കോത്ത സ്നൈഡർ ആണ് 24 സെക്കന്റ് ദൈർഘ്യമുള്ള ഈ വിഡിയോ പങ്കുവച്ചത്. ‘‘ഈ വാരാന്ത്യത്തിൽ ഒരുപാട് മനോഹരമായ കാഴ്ചകൾ ഉണ്ടായിരുന്നു, പക്ഷേ എന്റെ അച്ഛനും തെനയയും നൃത്തം ചെയ്യുന്നതു കാണുമ്പോൾ...’’ എന്നാണു വിഡിയോ പങ്കുവച്ച് ദെക്കോത്ത കുറിച്ചത്.
English Summary : Woman dances with dad in wheelchair at her wedding