റഷ്യയെ ഞെട്ടിച്ച 'ട്രോജൻ ഹോഴ്‌സ്'! യുക്രെയ്ന്റെ 'ഓപ്പറേഷൻ സ്പൈഡേഴ്സ് വെബ്'; ഡ്രോൺ യുദ്ധം പുതിയ തലങ്ങളിലേക്ക്

യുക്രെയ്ൻ-റഷ്യൻ സൈനിക സംഘർഷം പുതിയ തലങ്ങളിലേക്ക് കടന്നിരിക്കുകയാണ്. ഒരു വർഷത്തിലേറെയായി ആസൂത്രണം ചെയ്ത,  ഒരു നീക്കത്തിലൂടെ യുക്രെയ്ൻ, റഷ്യയുടെ ആഴങ്ങളിലുള്ള നിരവധി സൈനിക വിമാനത്താവളങ്ങളിൽ വലിയ തോതിലുള്ള ഡ്രോൺ ആക്രമണം നടത്തി.റഷ്യയ്ക്കു നഷ്ടമായത് കോടിക്കണക്കിനു ഡോളർ വിലമതിക്കുന്ന, ആകാശക്കരുത്തിന്റെ പോർമുനകളായിരുന്ന യുദ്ധവിമാനങ്ങളുമാണ്.

 സൈബീരിയയിലെ ഒരു വിമാനത്താവളം വരെ ഈ ആക്രമണത്തിന് ഇരയായി. 'ഓപ്പറേഷൻ സ്പൈഡേഴ്സ് വെബ്' എന്ന പേരിലുള്ള ഈ നീക്കത്തിൽ, ജൂൺ 1ന് ഒരു കൂട്ടം യുക്രെനിയൻ ഡ്രോണുകൾ റഷ്യൻ അതിർത്തിക്കുള്ളിൽ  സ്ഥിതി ചെയ്യുന്ന അഞ്ച് സൈനിക വിമാനത്താവളങ്ങളെ ലക്ഷ്യം വെക്കുകയും, ഏകദേശം 41 ബോംബർ വിമാനങ്ങൾ നശിപ്പിക്കുകയും ചെയ്തെന്നാണ് റിപ്പോർട്ട്. ജൂൺ 2 ന് ഇസ്താംബൂളിൽ നടക്കാനിരുന്ന സമാധാന ചർച്ചകൾക്ക് തൊട്ടുമുമ്പായിട്ടാണ് ഇത് ആസൂത്രണം ചെയ്തതെന്നതും ശ്രദ്ധേയമാണ്.

എന്താണ് ട്രോജൻ ഹോഴ്‌സ്?

ഗ്രീക്ക് പുരാണത്തിലെ ട്രോജൻ യുദ്ധത്തിൽ നിന്നാണ് 'ട്രോജൻ ഹോഴ്‌സ്' എന്ന വാക്ക് വരുന്നത്. ട്രോയ് നഗരത്തെ കീഴടക്കാൻ ഗ്രീക്കുകാർ ഉപയോഗിച്ച ഒരു തന്ത്രമാണിത്. ഒരു വലിയ തടി കുതിരയെ സമ്മാനമായി നൽകി, അതിനുള്ളിൽ സൈനികരെ ഒളിപ്പിച്ചാണ് ഗ്രീക്കുകാർ ട്രോയ് നഗരത്തിനുള്ളിൽ പ്രവേശിച്ചത്. ശത്രുക്കൾക്ക് തിരിച്ചറിയാൻ കഴിയാത്ത രൂപത്തിൽ, ഒരു സുരക്ഷിതമായ കോട്ടയിലേക്കോ സ്ഥലത്തേക്കോ ശത്രുവിനെ ക്ഷണിക്കാൻ ഉപയോഗിക്കുന്ന ഏതൊരു തന്ത്രത്തെയും ഇന്ന് ഒരു "ട്രോജൻ ഹോഴ്‌സ്" എന്ന് വിശേഷിപ്പിക്കുന്നു. സൈബർ സുരക്ഷയിലും ഈ വാക്ക് ഉപയോഗിക്കാറുണ്ട്, ഉപയോക്താക്കളെ കബളിപ്പിച്ച് സിസ്റ്റത്തിലേക്ക് പ്രവേശിക്കുന്ന മാൽവെയറുകളെ ട്രോജൻ എന്ന് വിളിക്കുന്നു.

ഈ യുക്രൈനിയൻ ഡ്രോൺ ആക്രമണത്തെ "ട്രോജൻ ഹോഴ്‌സ്" തന്ത്രത്തോട് താരതമ്യം ചെയ്യുന്നത്, ഡ്രോണുകൾ എങ്ങനെയാണ് റഷ്യൻ അതിർത്തിക്കുള്ളിലേക്ക് കടത്തിക്കൊണ്ടുപോയത് എന്നതുകൊണ്ടാണ്. പ്രത്യേകതരം FPV ഡ്രോണുകൾ (ഫസ്റ്റ്-പേഴ്സൺ വ്യൂ ഡ്രോണുകൾ) റഷ്യയിലേക്ക് കടത്തുകയും, മരം കൊണ്ടുള്ള ക്യാബിനുകളിൽ ഒളിപ്പിക്കുകയും ചെയ്തു. 

ട്രക്കുകളിൽ ഈ ക്യാബിനുകൾ കൊണ്ടുപോവുകയും, റിമോട് കൺട്രോളിലൂടെ ക്യാബിനുകളുടെ മേൽക്കൂരകൾ തുറന്ന് ഡ്രോണുകൾക്ക് പറന്നുയരാൻ സാധിക്കുകയും ചെയ്തു. പിന്നീട്, അടുത്തുള്ള സൈനിക കേന്ദ്രങ്ങളിൽ കൃത്യമായി ആക്രമണം നടത്താൻ ഡ്രോണുകൾ ലക്ഷ്യസ്ഥാനത്തേക്ക് പറന്നു.

ഡ്രോൺ യുദ്ധത്തിന്റെ വ്യാപ്തി

ഈ ആക്രമണം ഏകദേശം 7 ബില്യൺ ഡോളറിന്റെ നാശനഷ്ടങ്ങൾ വരുത്തിവെച്ചുവെന്നും, നിരവധി യുദ്ധവിമാനങ്ങൾ നശിപ്പിക്കപ്പെട്ടുവെന്നും യുക്രെയ്ൻ അവകാശപ്പെട്ടു. എന്നാൽ അഞ്ച് വ്യോമ താവളങ്ങളിൽ യുക്രെയ്ൻ എഫ്​പിവി ഡ്രോൺ ആക്രമണങ്ങൾ നടത്തിയെന്നും, മിക്കവാറും എല്ലാ ആക്രമണങ്ങളും വിജയകരമായി തടഞ്ഞുവെന്നും ആണ് റഷ്യൻ പ്രതിരോധ മന്ത്രാലയം ഞായറാഴ്ച പ്രസ്താവിച്ചത്.

യുദ്ധം ജയിക്കുന്ന ഡ്രോണാചാര്യ

നിർദ്ദിഷ്ട ലക്ഷ്യങ്ങളിലേക്കെത്തി ശത്രുവിനെതിരെ നടത്തുന്ന കൃത്യമായ ആക്രമണങ്ങൾ, അതിനു മുടക്കേണ്ടി വരുന്നത് ഏതാനും ആയിരം ഡോളറുകള്‍ മാത്രവും.ഇപ്പോൾ അരങ്ങേറുന്ന യുദ്ധങ്ങളിൽ ഏറ്റവും അധികം മുഴങ്ങിക്കേൾക്കുന്നത് ഡ്രോണുകളെന്ന പദമാണ്. വിലകുറഞ്ഞ നാവിഗേഷൻ സംവിധാനങ്ങളാൽ ലക്ഷ്യം കണ്ടെത്തുന്നതുവരെ സഞ്ചരിക്കുകയും ഇടിച്ചിറങ്ങി സ്വയം തകരുകയും വ്യാപക നാശനഷ്ടങ്ങളുണ്ടാക്കുകയും ചെയ്യുന്ന വ്യോമായുധം.

ആദ്യത്തെ പൂർണ തോതിലുള്ള ഡ്രോൺ യുദ്ധം

2014ൽ തുടക്കമിട്ട് 2022 ഫെബ്രുവരിയിൽ റഷ്യയുടെ പൂർണ തോതിലുള്ള അധിനിവേശത്തോടെ രൂക്ഷമായ യുക്രെയ്ൻ- റഷ്യ യുദ്ധത്തിൽ ഉപയോഗിച്ചത് പോലെ ഒരു സൈനിക ഏറ്റുമുട്ടലിൽ മുൻപൊരിക്കലും ഇത്രയധികം ഡ്രോണുകൾ ഉപയോഗിച്ചിട്ടില്ല. യുക്രെയ്ന് പ്രതിമാസം ഏകദേശം 10,000 ഡ്രോണുകൾ നഷ്ടപ്പെടുന്നതായി കണക്കുകൾ തന്നെ, ഇത് എത്രമാത്രം ഉപയോഗത്തിലുണ്ടെന്നതിന്റെ സൂചന നൽകുന്നു.

ഡ്രോൺ പോരാട്ടം

എല്ലാ വലുപ്പത്തിലുമുള്ള നിരീക്ഷണ ഡ്രോണുകൾ, ആക്രമണ ഡ്രോണുകൾ, മറൈൻ ഡ്രോണുകളെല്ലാം ഉപയോഗത്തിലുണ്ട് . ചില എഫ്പിവി ഡ്രോണുകള്‍ വെറും 10 ഇഞ്ച് നീളമുള്ളവയാണ്, മറ്റുചിലത് വിലകുറഞ്ഞ വാണിജ്യ ഘടകങ്ങളിൽ നിന്ന് നിർമ്മിച്ചതും ചൈനീസ് റോട്ടറുകൾ ഉപയോഗിച്ച് പ്രവർത്തിക്കുന്നതുമാണ്. അതേസമയം ചെറിയ വിമാനം പോലുള്ളവയും ആയിരക്കണക്കിനു കിലോമീറ്ററുകള്‍ സ്വയം സഞ്ചരിക്കുകയും ലക്ഷ്യത്തിലെത്തി തിരിച്ചറിഞ്ഞു ആക്രമണം നടത്തുകയും ചെയ്യുന്ന എഐ കേന്ദ്രീകൃതമായവയും ആയുധ നിരയിലുണ്ട്.

ഡ്രോൺ പോരാട്ടത്തിന്റെ വിവിധ മുഖങ്ങൾ

എല്ലാ വലുപ്പത്തിലുമുള്ള നിരീക്ഷണ ഡ്രോണുകൾ, ആക്രമണ ഡ്രോണുകൾ, മറൈൻ ഡ്രോണുകൾ (കടലിൽ ഉപയോഗിക്കുന്നവ) എന്നിവയെല്ലാം ഈ യുദ്ധത്തിൽ വ്യാപകമായി ഉപയോഗത്തിലുണ്ട്. ചില FPV ഡ്രോണുകൾ വെറും 10 ഇഞ്ച് നീളമുള്ളവയാണ്. ഇവയിൽ പലതും വിലകുറഞ്ഞ വാണിജ്യ ഘടകങ്ങളിൽ നിന്ന് നിർമ്മിച്ചതും ചൈനീസ് റോട്ടറുകൾ ഉപയോഗിച്ച് പ്രവർത്തിക്കുന്നതുമാണ്. അതേസമയം, ചെറിയ വിമാനം പോലുള്ളവയും ആയിരക്കണക്കിന് കിലോമീറ്ററുകൾ സ്വയം സഞ്ചരിക്കുകയും, ലക്ഷ്യത്തിലെത്തി തിരിച്ചറിഞ്ഞ് ആക്രമണം നടത്തുകയും ചെയ്യുന്ന ആർട്ടിഫിഷ്യൽ ഇന്റലിജൻസ് (AI) കേന്ദ്രീകൃതമായ ഡ്രോണുകളും ആയുധനിരയിലുണ്ട്.

'ഓപ്പറേഷൻ സ്പൈഡേഴ്സ് വെബ്' പോലുള്ള ആക്രമണങ്ങൾ ഡ്രോണുകൾക്ക് സാധാരണ യുദ്ധത്തിന്റെ ഗതിയെ എങ്ങനെ മാറ്റാൻ കഴിയുമെന്ന് തെളിയിക്കുന്നു. ഭാവിയിലെ യുദ്ധക്കളങ്ങളിൽ ഡ്രോണുകൾക്ക് നിർണായകമായ ഒരു സ്ഥാനമുണ്ടാകുമെന്നതിന്റെ വ്യക്തമായ സൂചനയാണ് ഇത് നൽകുന്നത്.