Manoramaonline.com no longer supports Internet Explorer 8 or earlier. Please upgrade your browser.  Learn more »

പിഒകെയിൽ ഭീകരരെ വെടിവെച്ചിടുന്നത് ഡൽഹിയിൽ ലൈവ് വിഡിയോ

pok

നിയന്ത്രണരേഖയ്ക്കപ്പുറം പാക്ക് അധീന കശ്മീരിൽ തമ്പടിച്ചിരുന്ന ഭീകരക്യാംപിനു നേരെ ഇന്ത്യൻ സേനയുടെ മിന്നൽ ആക്രമണത്തിന്റെ ഒരുക്കങ്ങൾ ദിവസങ്ങൾക്ക് മുൻപെ തുടങ്ങിയിരുന്നു. വിവിധ സേനകളും സാങ്കേതിക വിദഗ്ധരും രാപകലില്ലാതെ പ്രവർത്തിച്ചാണ് പദ്ധതി ആസൂത്രണം ചെയ്തത്. ഇന്ത്യന്‍ സേന നടത്തിയ ദൗത്യത്തെ കുറിച്ച് നിരവധി റിപ്പോർട്ടുകളാണ് വന്നുക്കൊണ്ടിരിക്കുന്നത്. ഏറ്റവുമൊടുവിലെ വിവരങ്ങളനുസരിച്ച് 25 കമാൻഡോകൾ 38 തീവ്രവാദികളെ വധിച്ചെന്നാണ്.

അര്‍ധരാത്രിയിലൊരു യാത്ര

ദിവസങ്ങൾക്ക് മുൻപെ കൃത്യമായ ആസൂത്രണം നടത്തിയായിരുന്നു സൈന്യത്തിന്റെ യാത്ര. അത്യാധുനിക സംവിധാനങ്ങളുള്ള ഹെലികോപ്റ്ററിലാണ് 25 കമാന്റോകൾ ലക്ഷ്യം നിറവേറ്റാൻ തിരിച്ചത്. കമാൻഡോകളെ പാക്കിസ്ഥാനിലെത്തിച്ചു ഹെലികോപ്റ്റര്‍ തിരിച്ചുപോന്നു. കോപ്റ്ററിൽ നിന്നു പാരച്യൂട്ട് വഴിയാണ് കമാൻഡോകൾ താഴേക്ക് ഇറങ്ങിയത്. ഹെലികോപ്റ്ററില്‍ നിന്നിറങ്ങിയ ശേഷം കരമാര്‍ഗം കിലോമീറ്ററുകളോളം സഞ്ചരിച്ചു. മുപ്പതോളം ഭീകരർ വീതമുള്ള അഞ്ച് കേന്ദ്രങ്ങളായിരുന്നു ലക്ഷ്യം.

രഹസ്യവിവരം നൽകിയത് റോ, മിലിറ്ററി ഇന്റലിജൻസ്

ഭീകര കേന്ദ്രങ്ങളെ കുറിച്ചു ദിവസങ്ങൾക്കു മുൻപെ ഇന്ത്യൻ ഇന്റലിജൻസ് ഏജൻസികള്‍ വ്യക്തമായ വിവരങ്ങൾ നൽകിയിരുന്നു. കിട്ടിയ വിവരങ്ങൾ ഓരോ ദിവസവും ഉറപ്പുവരുത്തി. ഭീകരർ ഇടക്കിടെ താവളം മാറ്റുന്നവരാണ്. അങ്ങനെ വന്നാൽ സേനയുടെ എല്ലാ നീക്കങ്ങളും പരാജയപ്പെടുമായിരുന്നു. ഇതിനായി ഭീകരരെ ദിവസങ്ങളോളം നിരീക്ഷിച്ചു. റോയും മിലിറ്ററി ഇന്റലിജൻസും പിഒകെയിൽ നിന്നുള്ള വ്യക്തമായ വിവരങ്ങളാണ് സേനയ്ക്ക് കൈമാറിയിരുന്നത്. അത്യാധുനിക ടെക്നോജയിൽ പ്രവർത്തിക്കുന്ന ടവോര്‍, എം4 തോക്ക്, ഗ്രനേ‍ഡ്‍, സ്‌മോക്ക് ഗ്രനേഡ് എല്ലാം ആക്രമണത്തിനു ഉപയോഗിച്ചു‍. രാത്രയിലും എല്ലാം വ്യക്തമായി കാണാൻ നെറ്റ് വിഷൻ ഉപകരണങ്ങൾ ഉപയോഗപ്പെടുത്തി.

പിഒകെയിലെ ആക്രമണം ഡൽഹിയിൽ ലൈവ്

കമാൻഡോകളുടെ ഓരോ നീക്കങ്ങളും വിഡിയോ പകർത്തിയിരുന്നു. കമാൻഡോകളുടെ ഹെൽമറ്റിൽ ഘടിപ്പിച്ച ക്യമാറകളും ആളില്ലാ വിമാനവും വിഡിയോ പകർത്തി. സാറ്റലൈറ്റ് സഹായത്തോടെ തൽസമയ വിവരങ്ങളും വിഡിയോയും ഫൊട്ടോകളും ഡൽഹിയിൽ തൽസമയം കാണാൻ സൗകര്യമൊരുക്കിയിരുന്നു. വർഷങ്ങൾക്ക് മുൻപ് ഒസാമ ബിന്‍ലാദനെ വധിക്കാൻ അമേരിക്ക പുറത്തെടുത്ത അതേ ദൗത്യം തന്നെയാണ് ഇവിടെയും നടപ്പിലാക്കിയത്. ഉസാമയെ പിടികൂടുമ്പോൾ അമേരിക്കയിലിരുന്ന് ഒബാമ എല്ലാം ലൈവായി കാണുന്നുണ്ടായിരുന്നു. പ്രതിരോധമന്ത്രി മനോഹര്‍ പരീക്കർ, ദേശീയ സുരക്ഷാ ഉപദേഷ്ടാവ് അജിത്ത് ഡോവൽ, സൈനിക മേധാവി ദല്‍ബിര്‍ സിങ് സുഹാഗ് എന്നിവര്‍ രാത്രി മുഴുവൻ കാത്തിരുന്ന്, ഡൽഹിയിലിരുന്ന് എല്ലാം തല്‍സമയം കണ്ടു വിലയിരുത്തി കമാൻഡോകൾക്ക് വേണ്ട നിര്‍ദ്ദേശം നൽകി.

Your Rating: