ആരോഗ്യം നിരീക്ഷിക്കാൻ അൾട്രാഹ്യുമൻ മോതിരം, എല്ലാം തത്സമയം ട്രാക്ക് ചെയ്യാം

ultahuman-ring
SHARE

സ്മാർട് ഫിറ്റ്നസ് ബ്രാൻഡായ അൾട്രാഹ്യുമനിന്റെ ഏറ്റവും പുതിയ ഉപകരണം അൾട്രാഹ്യുമൻ റിങ് പുറത്തിറക്കി. ഇത് ഔറ റിങ് പോലെ പ്രവർത്തിക്കുന്നതാണ്. ഇത് ഉപയോക്താവിന്റെ ഉറക്കവും ദൈനംദിന പ്രവർത്തനങ്ങളും ട്രാക്കുചെയ്യുന്നു. പുതുതായി പുറത്തിറക്കിയ അൾട്രാഹ്യുമൻ റിങ് ഉപയോക്താവിന്റെ ചലനം, ഉറക്കം, ശരീരത്തിന്റെ ഊർജ ചലനാത്മകത എന്നിവയെല്ലാം ട്രാക്ക് ചെയ്യും. ഇതുവഴി ഉപയോക്താക്കളുടെ ആരോഗ്യം ശ്രദ്ധിക്കാനും വേണ്ട നിയന്ത്രണങ്ങൾ വരുത്താനും സഹായിക്കുന്നു.

അൾട്രാഹ്യുമൻ റിങ് ഒരു മിനിമം ഫോം ഫാക്ടർ സംവിധാനമാണ്. ഇതിൽ സ്‌ക്രീനുകളോ വൈബ്രേഷനുകളോ ഇല്ല. ഇത് ഉപയോക്താക്കളെ നിരന്തരമായ അറിയിപ്പുകളിൽ നിന്ന് അകറ്റി നിർത്തുന്നു. ഇതിനാൽ തന്നെ ഉപയോക്താക്കൾക്ക് ആപ്പിൽ ആവശ്യമുള്ളപ്പോൾ അവരുടെ സുപ്രധാന കാര്യങ്ങൾ പരിശോധിക്കാൻ കഴിയും. പരുക്കൻ ഉപയോഗവും വ്യായാമവും നിലനിർത്താൻ കഴിയുന്ന തരത്തിലാണ് മോതിരം രൂപകൽപന ചെയ്തിരിക്കുന്നതെന്ന് അൾട്രാഹ്യുമൻ അവകാശപ്പെടുന്നു.

ടങ്സ്റ്റൺ കാർബൈഡ് പൂശിയ ടൈറ്റാനിയം ബോഡി ഉപയോഗിച്ചാണ് മോതിരം നിർമിച്ചിരിക്കുന്നത്. ഇത് സ്റ്റീലിനേക്കാൾ 5 മടങ്ങ് കഠിനമാണെന്ന് കമ്പനി അവകാശപ്പെടുന്നു. 5 ദിവസത്തെ ബാറ്ററി ലൈഫിലാണ് ഈ ഉപകരണം വരുന്നത്. അൾട്രാഹ്യുമൻ റിങ് ജൂലൈ 7 മുതൽ പ്രീ-ഓർഡറിന് ലഭ്യമാകും. ഓഗസ്റ്റ് മുതൽ വിതരണം തുടങ്ങും.

English Summary: Ultrahuman Ring looks like a usual ring but tracks your metabolic health in real-time

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

നാല് നായകന്മാരും ഒരു സാനിയയും | Nivin Pauly | Aju Varghese | Saiju Kurup | Siju Wilson | Saniya

MORE VIDEOS