ട്രാവൽ ചാർജറായ GaNPort4-100PD വിപണിയിലവതരിപ്പിച്ചു പ്രൊമേറ്റ്. സാധാരണ ചാർജറുകളേക്കാൾ 55% ചെറുതാണെന്നും ഒരേസമയം നാല് ഉപകരണങ്ങൾ ചാർജ് ചെയ്യാനാകുമെന്നും കമ്പനി അവകാശപ്പെടുന്നു.GaNFast (ഗാലിയം നൈട്രൈഡ്), GaN ചിപ്‌സെറ്റ്( കുറഞ്ഞ ഊർജ്ജം പാഴാക്കുകയും കുറഞ്ഞ ചൂട് ഉൽപ്പാദിപ്പിക്കുകയും ചെയ്യുന്ന GaN ഘടകങ്ങൾ) എന്നിവ ഉൾക്കൊള്ളിച്ച ചാർജർ  മൾട്ടി-ഡിവൈസ് കോംപാറ്റബിലിറ്റി വാഗ്ദാനം ചെയ്യുന്നു. 

ഇയർബഡുകൾ മുതൽ സ്‌മാർട്ട്‌ഫോണുകൾ വരെയും ലാപ്‌ടോപ്പുകൾ മുതൽ ടാബ്‌ലെറ്റുകൾ വരെയും എല്ലാ ഗാഡ്‌ജെറ്റുകളും ചാർജ് ചെയ്യാനാകും. GaNPort4-100PD ചാർജറിന് 100V മുതൽ 240V വരെയുള്ള വോൾട്ടേജുകൾ കൈകാര്യം ചെയ്യാൻ കഴിയും, പരസ്പരം

മാറ്റാവുന്ന ഇന്ത്യൻ, യുഎസ് പ്ലഗുകൾ ഉണ്ട്. അതിനാൽയാത്ര ചെയ്യുമ്പോൾ വ്യത്യസ്‌ത അഡാപ്റ്ററുകളെച്ചൊല്ലി ആശങ്കപ്പെടേണ്ടതില്ല.  20W USB-C പവർ ഡെലിവറി പോർട്ട് വളരെ വേഗതയുള്ളതാണ്, ഉപകരണങ്ങൾ അരമണിക്കൂറിനുള്ളിൽ 0 മുതൽ 60% വരെ ചാർജ് ചെയ്യാൻ കഴിയും.₹6999 വിലയാണുള്ളത്.