ഒക്ടോബറിൽ വാങ്ങാൻ കഴിയുന്ന മികച്ച ഫോണുകൾ; വൺപ്ലസ് 13, ഐക്യൂ 13,ലാവ അഗ്നി 3

ഐഫോൺ, സാംസങ്, ഗൂഗിൾ തുടങ്ങിയ സെപ്റ്റംബറിലെ താര അവതരണങ്ങൾക്കുശേഷം  ഒക്ടോബറും പുതിയ ഫോണുകളുടെ ചാകരക്കാലമാണ്.ഉടൻ അരങ്ങേറ്റം കുറിക്കാനൊരുങ്ങുന്നതും വിപണിയിലെത്തിയതുമായ സ്മാർട്ഫോണുകൾ ഏതൊക്കെയെന്നു നോക്കാം.

വൺപ്ലസ് 13

വൺപ്ലസ് 13 ഒക്ടോബർ മാസത്തിൽ ചൈനയിൽ അവതരിപ്പിക്കുമെന്ന് സ്ഥിരീകരിച്ചു. സ്‌നാപ്ഡ്രാഗൺ 8 Gen 4 പ്രോസസറായിരിക്കും ഈ ഫോണിൽ എത്തുന്നത്. 100 വാട് ചാർജിങ് പിന്തുണയോടെ 6,000 mAh ബാറ്ററിയും ഫോണിലെത്തും.

ഐക്യൂ 13:

വിവോ സബ് ബ്രാൻഡായ ഐക്യൂ  പ്രീമിയം iQOO 13 സീരീസ് ഒക്ടോബറിൽ ചൈനയിൽ അവതരിപ്പിക്കുമെന്നാണ് റിപ്പോർട്ട്. OnePlus 13 പോലെ, iQOO 13 ക്വാൽകോം സ്‌നാപ്ഡ്രാഗൺ 8 Gen 4 പ്രോസസറിൽ പ്രവർത്തിക്കുമെന്നും ഒരു IP68 റേറ്റിംഗ് ഫീച്ചർ ചെയ്യുമെന്നും പ്രതീക്ഷിക്കുന്നു. 16 ജിബി വരെ റാമും 512 ജിബി ഒ വരെ സ്റ്റോറേജും ഫോണിന് ലഭിക്കുമെന്ന് പ്രതീക്ഷിക്കുന്നു.

iQOO 13 6.7 ഇഞ്ച് 2K AMOLED ഡിസ്‌പ്ലേയിൽ 144Hz പുതുക്കൽ റേറ്റുമായി വന്നേക്കാം. ഇത് 6,150mAh ബാറ്ററിയും 100W ഫാസ്റ്റ് ചാർജിങും ഉൾക്കൊള്ളുന്നു.

സാംസങ് ഗാലക്സി എസ് 24 എഫ്ഇ:

സാംസങ് തങ്ങളുടെ ഏറ്റവും പുതിയ ഫാൻ എഡിഷൻ സ്‌മാർട്ട്‌ഫോണായ Galaxy S24 എഫ്ഇ അവതരിപ്പിച്ചു, സാംസങ് എക്‌സിനോസ് 2400e ചിപ്‌സെറ്റിൽ വരുന്ന ഫോൺ 4,700mAh ബാറ്ററി പായ്ക്ക് ചെയ്യുന്നു. ഇതിന് 8 ജിബി റാമിനും 512 ജിബി വരെ സ്റ്റോറേജിനും പിന്തുണ ലഭിക്കുന്നു.

ലാവാ അഗ്നി 3:

ലാവയുടെ ഇന്ത്യയിലെ ഏറ്റവും പുതിയ സ്മാർട്ട്‌ഫോണായ ലാവ അഗ്നി 3  ഇന്ത്യയിൽ അരങ്ങേറ്റം കുറിച്ചു. CMF ഫോൺ 1, Motorola Edge 50 Neo എന്നിവയിൽ നമ്മൾ കണ്ട അതേ ചിപ്‌സെറ്റ് തന്നെ MediaTek Dimensity 7300 പ്രൊസസറാണ് ഫോണിന് ഊർജം പകരുന്നത്.

ഇരുപതിനായിരം രൂപ താഴെ വിലയിൽ 6.7 ഇഞ്ച് കർവ്ഡ്  അമോലെഡ് സ്ക്രീൻ മാത്രമല്ല ഒരു 1.74 ഇഞ്ച് സെക്കൻഡറി അമോലെഡ് സ്ക്രീനും നൽകിയിരിക്കുകയാണ് ലാവ. നോട്ടിഫിക്കേഷനുകൾ കാണാനും ഇൻകമിങ് കോളുകൾ മാനേജ് ചെയ്യാനും മാത്രമല്ല പ്രധാന ക്യാമറ ഉപയോഗിച്ച് സെൽഫി എടുക്കാനും ഈ സ്ക്രീന്‍ സഹായകമാകും.

1.5K റസല്യൂഷനോടുകൂടിയ 6.78 ഇഞ്ച് വളഞ്ഞ അമോലെഡ് ഡിസ്‌പ്ലേ 120 ഹെർട്സ് പുതുക്കൽ നിരക്കും നൽകുന്നു. 1,200 നിറ്റ്സ് പീക്ക് ബ്രൈറ്റ്നസും നൽകിയിരിക്കുന്നു, കൂടാതെ പഞ്ച്-ഹോൾ കട്ട്ഔട്ടിനുള്ളിൽ 16 എംപി ഫ്രണ്ട് ഫെയ്സിങ് ക്യാമറയും നൽകുന്നു. ഡോൾബി അറ്റ്‌മോസ് ഡ്യുവൽ സ്റ്റീരിയോ സ്പീക്കറുകളും അഗ്നി 3യിൽ ഉണ്ട്.

 1/1.55″ സോണി സെൻസറും OIS ഉം ഉള്ള 50MP മെയിൻ ക്യാമറയും . 3x ഒപ്റ്റിക്കൽ സൂം ഉള്ള 8MP ടെലിഫോട്ടോയും 8MP അൾട്രാവൈഡ് ക്യാമറയും ചേർന്നതാണ് പിന്നിലെ ക്യാമറ മൊഡ്യൂൾ.  അഗ്നി 3യുടെ മറ്റൊരു പ്രധാന സവിശേഷത അതിന്റെ ഇഷ്ടാനുസൃതമാക്കാവുന്ന ആക്ഷൻ കീയാണ്