ADVERTISEMENT

ഗാലക്സി എസ് 25 സീരീസ് അൺപാക്ഡ് ഇവന്റിൽ അവതരിപ്പിക്കപ്പെട്ടപ്പോൾ ഏറ്റവും ആശങ്കയിലായത് എസ് 24 സീരീസ് വാങ്ങിയവരാണ്. വമ്പൻ ഡിസൈൻ മാറ്റവും അപ്ഗ്രേഡുമാണ് അവതരിപ്പിച്ചതെങ്കിൽ ഒരുപക്ഷേ നേരീയ നിരാശ തോന്നിയേനേ. എന്നാൽ അത്രയധികം നിരാശപ്പെടാനുമില്ല, എന്നാൽ‍ എസ് 25ലേയ്ക്കു അപ്ഗ്രേഡ് ചെയ്യുകയാണെങ്കിൽ നേട്ടവുമുണ്ട്.

പ്രകടനം

എസ് 24നേക്കാൾ മികച്ച പ്രകടനം നടത്താൻ ഏറ്റവും പുതിയ സ്നാപ്ഡ്രാഗൺ എലൈറ്റ് ചിപ്സെറ്റാണ് എസ് 25ൽ വരുന്നത്. സാംസങ് അൺപാക്ഡ് സ്റ്റേജിൽ പ്രദർശിപ്പിച്ചിരിക്കുന്ന നമ്പറുകളുടെ അടിസ്ഥാനത്തിൽ, CPY 37 ശതമാനം വേഗതയും GPU മുൻ തലമുറ ചിപ്പിനെ അപേക്ഷിച്ച് 30 ശതമാനം വേഗവുമാണ് നൽകുന്നത്. കൂടാതെ, NPU 40 ശതമാനം വേഗതയുള്ളതാണ്, ഇത് എഐ ടാസ്ക്കുകൾ വർദ്ധിപ്പിക്കും.

price-samsung - 1
ബേസ് മോഡലുകളുടെ വില, സ്റ്റേറേജ് അടിസ്ഥാനമായി വിലയിൽ മാറ്റം വരും

ഗാലക്‌സി എസ് 25, ഗാലക്‌സി എസ് 25 പ്ലസ് എന്നിവ ഐഫോൺ 16, ഐഫോൺ 16 പ്ലസ് എന്നിവയ്‌ക്കെതിരെ മത്സരിക്കാനായി ക്യാമറയിൽ ചെറിയ മാറ്റങ്ങളും കൊണ്ടുവന്നിട്ടുണ്ട്. ബേസ് മോഡലിലും എത്തിയിരിക്കുന്ന പുതിയ 50 മെഗാപിക്സൽ അൾട്രാവൈഡ് ക്യാമറ സെൻസറാണ് വന്നിരിക്കുന്ന വലിയ മാറ്റം.10 ബിറ്റ് വിഡിയോ റെക്കോർഡിങാണ് നൽകിയിരിക്കുന്നത്.

എസ് 25 അൾട്രയിൽ  200 മെഗാപിക്സലാണ് പ്രധാന ക്യാമറ വരുന്നത്.ഇവിടെയും 12 മെഗാപിക്സലിൽനിന്നും 50 എംപി അള്‍ട്രാവൈഡ് ക്യാമറയായി മാറിയിരിക്കുന്നു.

galaxy-new-s25-camera - 1
അൾട്രയിലെ ക്യാമറ സ്പെസിഫിക്കേഷൻ

50 ശതമാനം റീസൈക്കിൾ ചെയ്‌ത കോബാൾട്ടിൽ നിന്ന് നിർമ്മിച്ച ബാറ്ററികൾ സംയോജിപ്പിക്കുന്ന ആദ്യത്തെ ഗാലക്‌സി സ്‌മാർട്ട്‌ഫോണായിരിക്കും എസ് 25 എന്നാണ് സാംസങ് പ്രഖ്യാപിച്ചിരിക്കുന്നത്. ടൈറ്റാനിയം സിൽവർബ്ലൂ, ടൈറ്റാനിയം ബ്ലാക്ക്, ടൈറ്റാനിയം വൈറ്റ്‌സിൽവർ, ടൈറ്റാനിയം ഗ്രേ എന്നിവയോടൊപ്പം നേവി, സിൽവർ ഷാഡോ, ഐസിബ്ലൂ, മിന്റ് നിറങ്ങളും ലഭ്യമാകും.

galaxy-new-s25 - 1

Samsung.com വഴി S25 അൾട്രാ വാങ്ങുന്നവർക്ക് മൂന്ന് അധിക എക്സ്ക്ലൂസീവ് നിറങ്ങളിൽ നിന്ന് തിരഞ്ഞെടുക്കാം. ടൈറ്റാനിയം ജേഡ്ഗ്രീൻ, ടൈറ്റാനിയം ജെറ്റ്ബ്ലാക്ക്, ടൈറ്റാനിയം പിങ്ക്ഗോൾഡ് എന്നിവയാണ് ഇവ. എസ്25 , എസ് 25 പ്ലസ് എന്നിവയുടെ എസ്ക്ലൂസീവ് നിറങ്ങളിൽ ബ്ലൂബ്ലാക്ക്, കോറൽറെഡ്, പിങ്ക്‌ഗോൾഡ് എന്നിവ ഉൾപ്പെടുന്നു.

ആന്റി-റിഫ്ലെക്റ്റീവ് കോർണിങ് ഗൊറില്ലാ ആർമർ 2 മികച്ച സുരക്ഷ ഉറപ്പുവരുത്തുന്നു.ലാബ് പരിശോധനകളിൽ 7.2 അടി ഉയരത്തില്‍ നിന്നുകോൺക്രീറ്റിന് സമാനമായ വസ്തുവിലേക്കുള്ള വീഴ്ച പ്രതിരോധിച്ചു. 

galaxy-new-s25-details - 1

ഫെബ്രുവരി 4 മുതൽ ഇന്ത്യയിൽ വിൽപ്പനയ്‌ക്കെത്തുമെന്നാണ് പ്രതീക്ഷിക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com