മെറ്റായുടെ സ്മാർട്ട് ഗ്ലാസുകൾക്ക് എഐ വോയ്സ് അപ്ഡേറ്റ്; വിശദാംശങ്ങൾ അറിയാം

നിലവിൽ വിപണിയിലുള്ള റേ-ബാൻ മെറ്റാ സ്മാർട്ട് ഗ്ലാസുകൾക്ക് ഒരു എഐ വോയ്സ് അപ്‌ഡേറ്റ് ലഭിച്ചിരിക്കുന്നു. ഈ ഗ്ലാസുകൾ സാധാരണ സൺഗ്ലാസുകളുടെ രൂപത്തിലും കണ്ണടകളുടെ രൂപത്തിലും ലഭ്യമാണ്. മെറ്റ തങ്ങളുടെ റേ-ബാൻ ഗ്ലാസുകളുടെ വിൽപ്പന 2 ദശലക്ഷം കവിഞ്ഞതായി പ്രഖ്യാപിച്ചു, 2026 ആകുമ്പോഴേക്കും ഉത്പാദനം 10 ദശലക്ഷമായി ഉയർത്താൻ പദ്ധതിയിട്ടിട്ടുണ്ട്. സ്മാർട്ട് ഗ്ലാസുകളുടെ ആപ്പുകളിലും എഐ സോഫ്റ്റ്‌വെയറിലും സ്വാഭാവിക ശബ്ദ സംവിധാനത്തെ കേന്ദ്രീകരിക്കുന്ന ഒരു അപ്‍ഡേറ്റ് ലഭിക്കുന്നു.ഉപയോക്താക്കൾക്ക് രണ്ട് പ്രധാന വോയ്‌സ് കമാൻഡുകൾ ലഭിക്കുന്നു

പ്രധാന ഫീച്ചറുകൾ:

ക്യാമറ: ഫോട്ടോകളും വിഡിയോകളും എടുക്കാൻ സാധിക്കുന്ന 12എംപി അൾട്രാ-വൈഡ് ക്യാമറ ഇതിലുണ്ട്. ഇതിലൂടെ തത്സമയ വിഡിയോകൾ ഫെയ്സ്ബുക്, ഇൻസ്റ്റഗ്രാം എന്നിവയിൽ പങ്കുവെക്കാനും സാധിക്കും.

ഓഡിയോ: സംഗീതം കേൾക്കാനും ഫോൺ കോളുകൾ വിളിക്കാനും സ്വീകരിക്കാനും സാധിക്കുന്ന ഓപ്പൺ-ഇയർ സ്പീക്കറുകളും അഞ്ച് മൈക്രോഫോണുകളുമുണ്ട്. മികച്ച ശബ്ദ വ്യക്തതയും ഇതിൽ നൽകിയിട്ടുണ്ട്.

മെറ്റ എഐ: വോയിസ് കമാൻഡുകൾ ഉപയോഗിച്ച് പല കാര്യങ്ങളും നിയന്ത്രിക്കാൻ സാധിക്കും. ഉദാഹരണത്തിന്, "Hey Meta" എന്ന് പറഞ്ഞുകൊണ്ട് ചോദ്യങ്ങൾ ചോദിക്കാനും വിവരങ്ങൾ അറിയാനും ഫോട്ടോകളും വിഡിയോകളും എടുക്കാനും മെസ്സേജുകൾ അയക്കാനും സാധിക്കും.

ടച്ച് കൺട്രോൾ: ഗ്ലാസിന്റെ വശങ്ങളിൽ ടച്ച്പാഡുകൾ നൽകിയിട്ടുണ്ട്. ഇത് ഉപയോഗിച്ച് മ്യൂസിക് പ്ലേ ചെയ്യാനും പോസ് ചെയ്യാനും വോളിയം കൂട്ടാനും കുറയ്ക്കാനും ഫോട്ടോകളും വീഡിയോകളും എടുക്കാനും സാധിക്കും.

ബാറ്ററി: ഒറ്റ ചാർജിൽ ഏകദേശം 4 മണിക്കൂർ വരെ ഉപയോഗിക്കാൻ സാധിക്കും. ചാർജിങ് കേസ് ഉപയോഗിക്കുകയാണെങ്കിൽ 36 മണിക്കൂർ വരെ ബാറ്ററി ലൈഫ് ലഭിക്കും.

മെറ്റ വ്യൂ ആപ്: ഈ ആപ്പ് ഉപയോഗിച്ച് ഗ്ലാസുകൾ ഫോണുമായി കണക്ട് ചെയ്യാനും ഫോട്ടോകളും വിഡിയോകളും കൈകാര്യം ചെയ്യാനും ഗ്ലാസിന്റെ സെറ്റിങ്സുകൾ എന്നിവ മാറ്റാനും സാധിക്കും. ഡിസൈൻ: റേ–ബാന്റെ ക്ലാസിക് ഡിസൈനുകളായ Wayfarer, Headliner തുടങ്ങിയവയിൽ ഈ സ്മാർട്ട് ഗ്ലാസുകൾ ലഭ്യമാണ്. വിവിധ ഫ്രെയിം, ലെൻസ് ഓപ്ഷനുകളും ഉണ്ട്.