രാജ്യത്തെ മുന്നിര സ്മാർട് ഫോൺ വിതരണ കമ്പനിയായ വാവെയ്യുടെ സഹബ്രാൻഡ് ഓണറിന്റെ പുതിയ ഹാൻഡ്സെറ്റ് ഇന്ത്യയിലെത്തി. X സീരീസിലെ ഓണർ 8X ആണ് അവതരിപ്പിച്ചത്. 14,999 രൂപയാണ് അടിസ്ഥാന വില.
മൂന്നു വേരിയന്റുകളിലായാണ് ഓണർ 8X അവതരിപ്പിച്ചത്. 4GB+64GB, 6GB+64GB and 6GB+128GB എന്നീ വേരിയന്റുകളുടെ വില യഥാക്രമം 14,999 രൂപ, 16,999 രൂപ, 18,999 രൂപ എന്നിങ്ങനെയാണ്. 6.5 ഇഞ്ച് ഫുൾ വ്യൂ നോച്ച്ഡ് ഡിസ്പ്ലെ, ഒക്ടാ കോർ കിരിൻ 710 ചിപ്സെറ്റ്, ആൻഡ്രോയ്ഡ് ഒറിയോ എന്നിവ പ്രധാന ഫീച്ചറുകളാണ്.
ബാറ്ററി സംരക്ഷണത്തിനായി ജിപിയു ടർബോ ടെക്നോളജിയും ഫോണിലുണ്ട്. ഇതു ഉപയോഗിച്ച് 60 ശതമാനം വരെ ബാറ്ററി ലൈഫ് ഉയർത്താനാകും. രണ്ടു റിയർ ക്യാമറകൾ (20+2 മെഗാപികസൽ, f/1.8 അപേച്ചർ), 16 മെഗാപിക്സൽ സെൽഫി ക്യാമറ, 3750 എംഎഎച്ച് ബാറ്ററി എന്നിവയാണ് മറ്റു ഫീച്ചറുകൾ.