sections
MORE

2019 ലെ ഫോണുകള്‍ക്ക് 3 പിന്‍ ക്യാമറ? ഐഫോണ്‍ 8 പുനര്‍ജനിക്കും?

iphone-8
SHARE

ഐഫോണ്‍ 8 ന്റെ ഡിസൈനുള്ള 4.7-ഇഞ്ച് സ്‌ക്രീന്‍ വലുപ്പമുള്ള ഒരു ഫോണ്‍ 2020ല്‍ ആപ്പിള്‍ പുറത്തിറക്കിയേക്കുമെന്ന് റിപ്പോർട്ട്. എന്നാല്‍, ഇതിന് ആപ്പിളിന്റെ A13-പ്രോസസറായിരിക്കും ഉണ്ടായിരിക്കുക. 128 ജിബി സ്റ്റോറേജ് ശേഷിയുള്ള ഫോണിന് ഒറ്റ പിന്‍ ക്യാമറ മാത്രമായരിക്കും ഉണ്ടാകുക. ഏറ്റവും വില കുറഞ്ഞ ഐഫോണും ഇതായിരിക്കുമെന്നാണ് അറിയുന്നത്, 650 ഡോളര്‍.

ടച്ച് ഐഡി, ഹോം ബട്ടണ്‍ തുടങ്ങിയ ഫീച്ചറുകളൊക്കെ ഈ ഫോണില്‍ വീണ്ടും തിരിച്ചു വരും. ഇന്ത്യ പോലെയുള്ള വിപണികളെ ലക്ഷ്യം വച്ചാണ് ഈ മോഡല്‍ ഇറക്കുന്നതെന്നും പറയുന്നു.

ഈ വര്‍ഷത്തെ എല്ലാ ഫോണുകള്‍ക്കും മൂന്നു പിന്‍ ക്യാമറ?

ഐഫോണ്‍ XRന്റെ പുതുക്കിയ പതിപ്പിനടക്കം ഈ വര്‍ഷം ഇറക്കുമെന്നു കരുതുന്ന മൂന്നു മോഡലുകള്‍ക്കും മൂന്നു പിന്‍ ക്യാമറ സിസ്റ്റം ആപ്പിള്‍ അവതരിപ്പിക്കുമെന്നാണ് അഭ്യുഹങ്ങള്‍ പറയുന്നത്. കഴിഞ്ഞ വര്‍ഷം ഒറ്റ ക്യാമറയുമായി ആണ് XR മോഡല്‍ ഇറക്കിയത്. 750 ഡോളര്‍ വിലയിട്ടിരുന്ന ഈ മോഡലിന് മൂന്നു പിന്‍ ക്യാമറ സിസ്റ്റം കൊണ്ടുവന്നാല്‍ കൂടുതല്‍ ആവശ്യക്കാരുണ്ടാകുമെന്നാണ് കരുതുന്നത്. നോര്‍മല്‍, ടെലി, വൈഡ് എന്ന രീതിയിലായിരിക്കാം മൂന്നു ക്യാമറകളെന്നും കരുതുന്നു.

12എംപി സെല്‍ഫി ക്യാമറ?

ഈ വര്‍ഷത്തെ ഐഫോണുകളില്‍ പ്രതീക്ഷിക്കുന്ന മറ്റൊരു സുപ്രധാന മാറ്റം സെല്‍ഫി ക്യാമറയ്ക്ക് 12 എംപി റെസലൂഷനുള്ള സെന്‍സര്‍ നല്‍കിയേക്കാം എന്നതാണ്.

5ജി ഐഫോണിറക്കാന്‍ സാംസങ്ങിനെ കൂട്ടു പിടിക്കുമോ?

ക്വാല്‍കവുമായുള്ള പ്രശ്‌നങ്ങള്‍ പിരഹിരിച്ചുവെങ്കിലും, ഈ വര്‍ഷത്തെ ഐഫോണുകളില്‍ 5ജി കണ്ടേക്കില്ല എന്നായിരുന്നു ആദ്യം കേട്ടിരുന്നത്. തങ്ങള്‍ ആപ്പിളിന് 5ജി മോഡം നല്‍കാന്‍ തയാറാണെന്നു വാവെയ് പറഞ്ഞിരുന്നെങ്കിലും ആ നീക്കം ഫലിച്ചില്ലെന്നു കരുതുന്നു. അമേരിക്കയ്ക്ക് വാവെയിലുള്ള വിശ്വാസക്കുറവായിരിക്കാം ഒരു കാരണം. എന്തായാലും ചിരവൈരികളായ സാംസങ്ങില്‍ നിന്ന് 5ജി മോഡം സ്വീകരിച്ച് ഒരു 5ജി ഐഫോണ്‍ മോഡല്‍ ഇറക്കാനുള്ള സാഹസം കാട്ടാനൊരുങ്ങുകയാണ് ടിം കുക്ക് എന്നും ചില വാര്‍ത്തകളുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA