sections
MORE

ഇന്ത്യ പിടിക്കാൻ റെഡ്മി 8 എ, ‘വിലക്കുറവ് മാജിക്’ പ്രതീക്ഷിച്ച് ഉപഭോക്താക്കളും

redmi-8a
SHARE

ഇന്ത്യൻ വിപണിയിൽ കാര്യമായ മുന്നേറ്റം ലക്ഷ്യം വച്ചുകൊണ്ട് ചൈനീസ് കമ്പനിയായ ഷഓമിയുടെ പുതിയ ഫോൺ വരുന്നു. ഇന്ത്യയിൽ ആദ്യത്തെ റെഡ്മി 8 സീരീസ് ഫോൺ അവതരിപ്പിക്കാൻ ഷഓമി ഒരുങ്ങികഴിഞ്ഞു. റെഡ്മി 8 എ ആണ് പേര്. റെഡ്മി 8 എയുടെ ഇന്ത്യയിലെ ലോഞ്ച് സെപ്റ്റംബർ 25 നാണ്. അവതരിപ്പിക്കുന്നതിന് മുന്നോടിയായി റെഡ്മി 8 എന്റെ ചില പ്രധാന സവിശേഷതകൾ ഫ്ലിപ്പ്കാർട്ടിലൂടെ വെളിപ്പെടുത്തി. രാജ്യത്ത് ഫോൺ അവതരിപ്പിച്ചതിന് ശേഷം റെഡ്മി 8 എ ഇ-കൊമേഴ്‌സ് പ്ലാറ്റ്‌ഫോമിൽ ലഭ്യമാകുമെന്നും ഫ്ലിപ്പ്കാർട്ട് ലിസ്റ്റിംഗ് സൂചിപ്പിക്കുന്നു. ഇന്ത്യയിലെ റെഡ്മി 8 എയുടെ വിൽപന തീയതി ഇതുവരെ വെളിപ്പെടുത്തിയിട്ടില്ല.

റെഡ്മി 8 എയിൽ വാട്ടർ ഡ്രോപ്പ് നോച്ച് ഡിസ്‌പ്ലേയുണ്ടാകുമെന്നാണ് അറിയുന്നത്. ഇതാദ്യമായാണ് റെഡ്മി എ സീരീസ് ഫോൺ ശ്രദ്ധേയമായ ഡിസ്പ്ലേയുമായി വരുന്നത്. റെഡ്മി 8 എയിൽ ഒരു വലിയ ബാറ്ററിയുണ്ടാകുമെന്നും അറിയുന്നു. 5000 എംഎഎച്ച് ബാറ്ററിയാകുമെന്ന് അഭ്യൂഹങ്ങളുണ്ട്. റെഡ്മിക് 8 എ അതിവേഗ ചാർജിങ് പിന്തുണയുമായി വരുമെന്ന് ഫ്ലിപ്കാർട്ട് വെളിപ്പെടുത്തുന്നു.

റെഡ്മി 8 എ അതിശയകരമായ കാഴ്ച അനുഭവം പ്രദാനം ചെയ്യുമെന്ന് ഫ്ലിപ്കാർട്ട് ലിസ്റ്റിംഗ് വെളിപ്പെടുത്തുന്നു. സ്മാർട്ട്‌ഫോണിന്റെ ചുവടെയുള്ള ബെസലിൽ റെഡ്മി ലോഗോ ഉൾപ്പെടും. മികച്ച ചിത്രങ്ങൾക്ക്, പ്രത്യേകിച്ച് സെൽഫികൾ പകർത്താൻ റെഡ്മി 8 എയ്ക്ക് കഴിയുമെന്നും വെളിപ്പെടുത്തി. റെഡ്മി 8 എയുടെ മുൻ ക്യാമറ ഡോട്ട് ഡ്രോപ്പ് നോച്ചിനുള്ളിൽ ഇരിക്കും.

രൂപകൽപനയെ സംബന്ധിച്ചിടത്തോളം റെഡ്മി 8 എ സ്പോർട് ഓറ വേവ് ഗ്രിപ്പ് ഡിസൈനാണെന്നാണ് സൂചന. റെഡ്മി 8 എ പ്രീമിയം രൂപകൽപന ചെയ്യുമെന്നും അവിടത്തെ ഉപയോക്താക്കൾക്ക് മികച്ച അനുഭവം നൽകുമെന്നും ഫ്ലിപ്പ്കാർട്ട് അവകാശപ്പെടുന്നു. കൂടാതെ, റെഡ്മി 8 എയും ശക്തമായ പ്രോസസറുമായാണ് വരുന്നത്. വരാനിരിക്കുന്ന റെഡ്മി 8 എയ്ക്ക് ഗെയിമുകൾ നന്നായി കൈകാര്യം ചെയ്യാൻ കഴിയും.

മുൻനിര റെഡ്മി എ-സീരീസ് സ്മാർട് ഫോണുകൾക്ക് സമാനമായി റെഡ്മി 8 എയും കുറഞ്ഞ വിലയിൽ ലഭിക്കുമെന്നാണ് പ്രതീക്ഷ. 5,999 രൂപ വിലയുള്ള റെഡ്മി 7 എയാണ് ഷഓമിയിൽ നിന്നുള്ള ഏറ്റവും പുതിയ റെഡ്മി എ-സീരീസ് ഫോൺ. റെഡ്മി 8 എ പുറത്തിറക്കിയതിനു ശേഷം റെഡ്മി 7 എയുടെ ഇന്ത്യയിലെ വില കുറയും.

ഇന്ത്യയിൽ റെഡ്മി 7 എ രണ്ടു റാമിലും സ്റ്റോറേജ് വേരിയന്റുകളിലും വരുന്നു. 2 ജിബി റാമും 16 ജിബി സ്റ്റോറേജും ഉൾപ്പെടുന്ന അടിസ്ഥാന മോഡലിൽ 5,999 രൂപയുടെ റീട്ടെയിൽ വിലയുണ്ട്. റെഡ്മി 7 എയുടെ രണ്ടാമത്തെ മോഡലിൽ 2 ജിബി റാം + 32 ജിബി സ്റ്റോറേജ് ഉൾപ്പെടുന്നു. ഈ പതിപ്പിന് 6,199 രൂപ വിലയുണ്ട്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA