sections
MORE

108 എംപി ക്യാമറ മുതൽ സ്നാപ്ഡ്രാഗൺ 730ജി വരെ, മി സിസി9 പ്രോ വേറെ ലെവലാണ്...

xiaomi-cc9-pro-camera
SHARE

ഓൺലൈനിലെ ഏറെ ചർച്ചകൾക്കും അഭ്യൂഹ റിപ്പോർട്ടുകൾക്കും ശേഷമാണ് ഷഓമിയുടെ മി സിസി9 പ്രോ അവതരിപ്പിച്ചത്. ഏറ്റവും ഉയർന്ന റേറ്റിംഗുള്ള ഷഓമിയുടെ ഒരേയൊരു ക്യാമറ ഫോൺ മാത്രമല്ല ഇത്. ഏറ്റവും കൂടുതൽ പ്രീമിയം സവിശേഷതകൾ വാഗ്ദാനം ചെയ്യുന്ന ഒരേയൊരു ഫോണാണിത്. കൂടാതെ താങ്ങാവുന്ന വിലയുമാണ്.

ഷഓമിയ്ക്ക് സാധാരണക്കാർക്ക് നൽകാൻ കഴിയുന്നതിൽ നിന്ന് ഏറ്റവും മികച്ചത് മി സിസി 9 പ്രോയാണ്. പോപ്പ്-അപ്പ് സെൽഫി ക്യാമറ അല്ലെങ്കിൽ വാട്ടർഫാൾ ഡിസ്പ്ലേ പോലുള്ള അസാധാരണ സാങ്കേതികവിദ്യകളൊന്നും ഇതിലില്ല. പക്ഷേ, മി സിസി 9 പ്രോയിൽ ശക്തമായ ക്യാമറകളും സ്പെക്ക് ഷീറ്റും ഉണ്ട്. ഇന്ത്യൻ കറൻസിയിലേക്ക് പരിവർത്തനം ചെയ്യുമ്പോൾ ചൈനയിൽ വിലകൾ ഏകദേശം 28,000 രൂപയിലാണ് തുടങ്ങുന്നത്. സിസി 9 പ്രോ ഇന്ത്യയിലേക്ക് എന്നെത്തുമെന്നത് സംബന്ധിച്ച് റിപ്പോർട്ട് വന്നിട്ടില്ല.

മി സിസി 9 പ്രോ ഫീച്ചറുകൾ

മി സിസി 9 പ്രോ വളരെക്കാലത്തിനുശേഷം വളഞ്ഞ എഡ്ജ് ഡിസ്പ്ലേ മി സീരീസിലേക്ക് തിരികെ കൊണ്ടുവരുന്നു. ഫുൾ എച്ച്ഡി പ്ലസ് റെസല്യൂഷനോടു കൂടിയ 6.47 ഇഞ്ച് അമോലെഡ് സ്‌ക്രീനാണ് ഫോൺ. മുകളിൽ ഒരു ചെറിയ വാട്ടർ ഡ്രോപ്പ് നോച്ച് ഉണ്ട്. ഷഓമി ഒരു സ്‌നാപ്ഡ്രാഗൺ 730 ജി ചിപ്‌സെറ്റ് ഉപയോഗിക്കുന്നു. ക്വാൽകോമിൽ നിന്നുള്ള ഗെയിമിങ് ചിപ്പാണിത്. സാധാരണ സ്‌നാപ്ഡ്രാഗൺ 700 സീരീസ് ചിപ്പുകളേക്കാൾ മികച്ച പ്രകടനം വാഗ്ദാനം ചെയ്യുന്നു. 6 സിബി അല്ലെങ്കിൽ 8 ജിബി റാം, 128 ജിബി, 256 ജിബി സ്റ്റോറേജ് എന്നിവ ഉൾപ്പെടുന്നതാണ് മി സിസി 9 പ്രോ. 30W ഫാസ്റ്റ് ചാർജിങ് സിസ്റ്റത്തിന് പിന്തുണ നൽകുന്ന 5260mAh ബാറ്ററിയാണ് മി സിസി 9 പ്രോയ്ക്ക് ലഭിക്കുന്നത്.

Xiaomi-mi-cc9-pro

സാംസങ് ഐസോസെൽ ബ്രൈറ്റ് എച്ച്എംഎക്സ് സെൻസർ ഉപയോഗിച്ച്, 108 മെഗാപിക്സൽ പ്രധാന ക്യാമറ ഉൾപ്പെടുന്ന പെന്റ ക്യാമറ സംവിധാനമാണ് ഷഓമി മി സിസി 9 പ്രോയിലുള്ളത്. അതിനൊപ്പം 5 മെഗാപിക്സൽ ടെലിഫോട്ടോ ക്യാമറയും 10x ഹൈബ്രിഡ് സൂമും ഒഐഎസും 12 മെഗാപിക്സൽ പോർട്രെയിറ്റ് ക്യാമറയും 2x സൂം ഉള്ള ടെലിഫോട്ടോ ക്യാമറയും ഉണ്ട്. 20 മെഗാപിക്സൽ വൈഡ് ആംഗിൾ ക്യാമറയും 2 മെഗാപിക്സൽ മാക്രോ ക്യാമറയും ഇതോടൊപ്പമുണ്ട്. ഡോട്ട് ഡ്രോപ്പ് നോച്ചിൽ 32 മെഗാപിക്സൽ സെൽഫി ക്യാമറയുണ്ട്. കൂടാതെ ഷഓമിയുടെ മികച്ച അൽഗോരിതത്തിന്റെ സേവനും ലഭിക്കും.

ആൻഡ്രോയിഡ് 9, പൈ അടിസ്ഥാനമാക്കി MIUI 11 ആണ് മി സിസി 9 പ്രോയിൽ പ്രവർത്തിക്കുന്നത്. മി നോട്ട് 2 ന് ശേഷം വളഞ്ഞ എഡ്ജ് ഡിസ്പ്ലേ അവതരിപ്പിക്കുന്ന ആദ്യത്തെ ഫോണാണ് മി സിസി 9 പ്രോ. ഡിസ്പ്ലേ ഫുൾ എച്ച്ഡി + റെസല്യൂഷനോടുകൂടിയ അമോലെഡ് പാനലും മുകളിൽ ഡോട്ട് ഡ്രോപ്പ് നോച്ചും ഉപയോഗിക്കുന്നു. ഇൻ-ഡിസ്പ്ലേ ഫിംഗർപ്രിന്റ് സെൻസറും ഫോണിലുണ്ട്. 6.47 ഇഞ്ച് അളക്കുന്ന ഈ ഡിസ്‌പ്ലേ എല്ലാ മൾട്ടിമീഡിയ ആവശ്യങ്ങൾക്കും മികച്ചതായിരിക്കും.

cc9-pro

മി സിസി 9 പ്രോയിൽ ഉപയോഗിക്കുന്ന സ്‌നാപ്ഡ്രാഗൺ 730 ജി ചിപ്‌സെറ്റ് ഗെയിമിംഗിനായി ഉദ്ദേശിച്ചുള്ളതാണ്. സ്നാപ്ഡ്രാഗൺ 730 ജി പ്രധാനമായും സ്നാപ്ഡ്രാഗൺ 855 പ്ലസിന്റെ ആവർത്തനമാണ്. കൂടാതെ സാധാരണ സ്നാപ്ഡ്രാഗൺ 730 ചിപ്സെറ്റിനേക്കാൾ മികച്ച പ്രകടനം വാഗ്ദാനം ചെയ്യുന്നു. ഇതിനാൽ ഗെയിമുകൾ കളിക്കാൻ ഫോൺ തിരയുന്നവർക്ക് ഏറ്റവും ഉയർന്ന ഗ്രാഫിക്സിൽ സമീപകാല ഗെയിമുകൾ കളിക്കുന്നതിന് മതിയായതിനേക്കാൾ കൂടുതൽ മി സിസി 9 പ്രോ കണ്ടെത്താനാകും.

മി സിസി 9 പ്രോയ്ക്ക് 5260 എംഎഎച്ച് ബാറ്ററിയുണ്ട്. ഇതൊരു ഷഓമി ഫോണിൽ ഘടിപ്പിച്ച ഏറ്റവും വലിയ ബാറ്ററിയാണ്. പവർ കാര്യക്ഷമതയ്ക്കായി MIUI ട്യൂൺ ചെയ്‌തിരിക്കുന്നതിനാൽ മി സിസി 9 പ്രോ മികച്ച ബാറ്ററി ലൈഫ് നൽകാനാകും. ഇതോടൊപ്പം ഷഓമി 30W ഫാസ്റ്റ് ചാർജിങ് സംവിധാനം വാഗ്ദാനം ചെയ്യുന്നു. ഇത് 65 മിനിറ്റിനുള്ളിൽ 0 മുതൽ 100 ശതമാനം വരെ ചാർജ് ചെയ്യുമെന്ന് പറയപ്പെടുന്നു.

മി സിസി 9 പ്രോ ആൻഡ്രോയിഡിന്റെ ഏറ്റവും പുതിയ പതിപ്പിൽ പ്രവർത്തിക്കുന്നില്ല. പക്ഷേ ഇത് ആൻഡ്രോയിഡ് 9 പൈയെ അടിസ്ഥാനമാക്കിയുള്ള ഏറ്റവും പുതിയ എംഐയുഐ 11 നൊപ്പമാണ് വരുന്നത്. ഇതിനാൽ ഉപയോക്താക്കൾക്ക് എല്ലായ്‌പ്പോഴും ഓൺ-ഡിസ്‌പ്ലേ, പുതുക്കിയ യുഐ എന്നിവയും അതിലേറെയും പുതിയ MIUI ഫീച്ചറുകളും ലഭിക്കും.

English Summary: Xiaomi Mi CC9 Pro:  108MP camera , Snapdragon 730G

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA