sections
MORE

ഷഓമി റെഡ്മി നോട്ട് 9 പ്രോ മാക്സ് ഇന്ത്യയിലെത്തി, വില 14,999 രൂപ

redmi-note-9-pro-max
SHARE

ചൈനീസ് കമ്പനിയായ ഷഓമിയുടെ പുതിയ ഹാൻഡ്സെറ്റ് റെഡ്മി നോട്ട് 9 പ്രോ മാക്സ് ഇന്ത്യയിലെത്തി. ഓൺലൈനിൽ നടത്തിയ ഇവന്റിലാണ് ഷഓമിയുടെ പുതിയ ഹാൻഡ്സെറ്റുകൾ അവതരിപ്പിച്ചത്. റെഡ്മി നോട്ട് 9 പ്രോ, റെഡ്മി നോട്ട് 9 പ്രോ മാക്സ് എന്നിവ ഓൺലൈൻ വഴി ബുക്ക് ചെയ്യാം.

റെഡ്മി നോട്ട് 9 പ്രോയുടെ 4 ജിബി / 64 ജിബി വേരിയന്റിന് 12,999 ഉം 6 ജിബി / 128 ജിബി വേരിയന്റിന് 15,999 രൂപയുമാണ് വില.

റെഡ്മി നോട്ട് 9 പ്രോ മാക്സിന്റെ 6 ജിബി / 64 ജിബി വേരിയന്റിന്റെ വില 14,999 രൂപയാണ്. 6 ജിബി / 128 ജിബി വേരിയന്റിന് 16,999 രൂപയും 8 ജിബി / 128 ജിബി വേരിയന്റിന് 18,999 രൂപയുമാണ് വില.

റെഡ്മി നോട്ട് 9 പ്രോ മാർച്ച് 17 മുതൽ ഷഓമിയുടെ ഔദ്യോഗിക സ്റ്റോറുകളിലും ആമസോൺ ഇന്ത്യ വെബ്‌സൈറ്റിലും ലഭ്യമാണ്. റെഡ്മി നോട്ട് 9 പ്രോയുടെ ലോഞ്ച് ഡേ ഓഫറുകൾ മാർച്ച് 16 ന് വെളിപ്പെടുത്തും. റെഡ്മി നോട്ട് 9 പ്രോ മാക്‌സിന്റെ ആദ്യ വിൽപ്പന മാർച്ച് 25 ന് നടക്കും.

റെഡ്മി നോട്ട് പ്രോ മാക്സ്

റെഡ്മി നോട്ട് 9 പ്രോ മാക്സിലെ ക്വാഡ് ക്യാമറ സജ്ജീകരണത്തിന് 64 എംപി പ്രൈമറി ലെൻസ്, 8 എംപി അൾട്രാ വൈഡ് ആംഗിൾ ലെൻസ്, 5 എംപി മാക്രോ ലെൻസ്, ഡെപ്ത് സെൻസർ എന്നിവ ഉൾപ്പെടുന്നു. മാക്രോ ലെൻസിന് 2cm മുതൽ 10cm വരെ പരിധി ലഭിക്കും. ഫ്രണ്ട് ക്യാമറയിൽ 32 എംപി ഫ്രണ്ട് ഫേസിങ് ലെൻസുണ്ട്. ഇത് പഞ്ച്-ഹോൾ ഡിസ്പ്ലേയിലാണ് സ്ഥാപിച്ചിരിക്കുന്നത്.

റെഡ്മി നോട്ട് 9 പ്രോ മാക്സിന് ഒരു ഓറ ബാലൻസ് ഡിസൈനും കാണാം. ഈ ഹാൻഡ്സെറ്റിൽ ട്രിപ്പിൾ കോർണിങ് ഗോറില്ല ഗ്ലാസ് സുരക്ഷയുണ്ട്. ഗോറില്ല ഗ്ലാസ് 5 ഫ്രണ്ട്, ബാക്ക്, ക്യാമറ മൊഡ്യൂളുകൾ ഉൾക്കൊള്ളുന്നു. ഫിംഗർപ്രിന്റ് സെൻസർ ഉപകരണത്തിന്റെ വശത്താണ് സ്ഥാപിച്ചിരിക്കുന്നത്. അറോറ ബ്ലൂ, ഗ്ലേസിയർ വൈറ്റ്, ഇന്റർസ്റ്റെല്ലാർ ബ്ലാക്ക് എന്നിവയിൽ ഹാൻഡ്സെറ്റുകൾ വിൽക്കും.

6.67 ഇഞ്ച് ഡിസ്‌പ്ലേയാണ് പ്രോ മാക്‌സിനുള്ളത്. ഡിസ്പ്ലേയ്ക്ക് 20: 9 എന്ന അനുപാതം ലഭിക്കും. സ്മാർട് ഫോണിന്റെ ഇന്റർഫേസ് ഉപയോഗിക്കുമ്പോൾ അതുല്യമായ ഇൻപുട്ടുകൾക്കായി പ്രോ മാക്‌സിന് ഒരു ഇസഡ്-ആക്‌സിസ് ഹപ്‌റ്റിക് മോട്ടോർ ലഭിക്കും. ഹാൻഡ്സെറ്റിന് ഒരു ഐആർ ബ്ലാസ്റ്ററും 3.5 എംഎം ഹെഡ്‌ഫോൺ ജാക്കും ലഭിക്കും.

റെഡ്മി നോട്ട് പ്രോ മാക്സിൽ ഒരു ക്വാൽകോം സ്‌നാപ്ഡ്രാഗൺ 720 ജി, 8 എൻഎം പ്രോസസറാണ് ഉപയോഗിച്ചിരിക്കുന്നത്. ഈ ചിപ്‌സെറ്റ് മെച്ചപ്പെട്ട ബാറ്ററി ലൈഫ് നൽകുമെന്ന് കമ്പനി അവകാശപ്പെടുന്നു. ഗ്രാഫിക്സിനായി അഡ്രിനോ 618 ആണ് പ്രോസസറിനെ സഹായിക്കുന്നത്.

അടിസ്ഥാന വേരിയന്റിൽ പോലും പ്രോ മാക്‌സിന് 6 ജിബി റാം ലഭിക്കും. 128 ജിബി യുഎഫ്എസ് 2.1 വരെ ആന്തരിക സ്റ്റോറേജ് ലഭിക്കും. പ്രോ മാക്‌സിന് ഇസ്‌റോയുമായി സഹകരിച്ച് നാവിക് ലഭിക്കും. പുതിയ പൊസിഷനിങ് സംവിധാനം വേഗത്തിലും കൃത്യമായും സ്ഥാനം നൽകുമെന്ന് ഷഓമി അവകാശപ്പെടുന്നു.

റെഡ്മി നോട്ട് 9 പ്രോ മാക്സിന് 5020 എംഎഎച്ച് ബാറ്ററി ലഭിക്കും. 33W ഫാസ്റ്റ് ചാർജറിനെ ബാറ്ററി പിന്തുണയ്ക്കുന്നു. 30 മിനിറ്റിനുള്ളിൽ ഫോൺ 50% വരെ ചാർജ് ചെയ്യാനാകുമെന്ന് ഷഓമി അവകാശപ്പെടുന്നു.

redmi-note-9-pro

റെഡ്മി നോട്ട് 9 പ്രോ

നോട്ട് 9 പ്രോ മാക്സിനൊപ്പം റെഡ്മി നോട്ട് 9 പ്രോയും പുറത്തിറക്കി. പ്രോ മാക്‌സിന് സമാനമായ ഒരു ക്വാഡ് ക്യാമറ സജ്ജീകരണം ഇതിലുണ്ട്. എന്നാൽ, റെഡ്മി നോട്ട് 9 പ്രോയിലെ പ്രാഥമിക ലെൻസ് 48 എംപി യൂണിറ്റാണ്. എഐ പോർട്രെയിറ്റ് മോഡ് സുഗമമാക്കുന്നതിന് 8 എംപി 119 ഡിഗ്രി അൾട്രാ വൈഡ് ലെൻസ്, 5 എംപി മാക്രോ ലെൻസ്, 2 എംപി ഡെപ്ത് സെൻസർ എന്നിവയും ഫോണിന് ലഭിക്കുന്നു. മുൻ ക്യാമറയ്ക്ക് 16 എംപി മൊഡ്യൂളും സെൽഫി സ്ലോ മോയും സമർപ്പിത സെൽഫി നൈറ്റ് മോഡും ലഭിക്കും.

റെഡ്മി നോട്ട് 9 പ്രോയ്ക്കും ഇതേ സ്നാപ്ഡ്രാഗൺ 720 ജി പ്രോസസർ ഉണ്ട്, സമാനമായ 6.67 ഇഞ്ച് ഡിസ്പ്ലേയും ലഭിക്കുന്നു. ഉപകരണത്തിന് സമാന 5020mAh ബാറ്ററിയും ലഭിക്കും. എന്നാലും, റെഡ്മി നോട്ട് 9 പ്രോയ്ക്ക് ബോക്സിൽ 18W ചാർജർ മാത്രമേ ലഭിക്കൂ. റെഡ്മി നോട്ട് 9 പ്രോ ഉപകരണത്തിന്റെ ശേഷിക്കുന്ന സവിശേഷതകൾ നോട്ട് 9 പ്രോ മാക്സിന് സമാനമാണ്.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
FROM ONMANORAMA