മോട്ടോ ജി 9 പ്ലസ് പുറത്തിറങ്ങി, 5,000 എംഎഎച്ച് ബാറ്ററി, സ്നാപ്ഡ്രാഗൺ 730 ജി, 4 ക്യാമറകൾ
Mail This Article
മോട്ടറോളയുടെ പോർട്ട്ഫോളിയോയിൽ പുതിയ സ്മാർട് ഫോൺ മോട്ടോ ജി 9 പ്ലസ് അവതരിപ്പിച്ചു. ഏറെ പ്രതീക്ഷയോടെ കാത്തിരിക്കുന്ന സ്മാർട് ഫോൺ വ്യാഴാഴ്ച ബ്രസീലിലാണ് അവതരിപ്പിച്ചത്. മോട്ടോ ജി 9 ഇന്ത്യയിൽ അവതരിപ്പിച്ചതിന് ദിവസങ്ങൾക്ക് ശേഷമാണ് മോട്ടോ ജി 9 പ്ലസും വരുന്നത്. ബജറ്റ് വിഭാഗത്തെ ലക്ഷ്യം വെച്ചുള്ള ജി 9ന്റെ കൂടുതൽ സവിശേഷതകൾ ഉൾക്കൊള്ളുന്ന പതിപ്പാണ് മോട്ടോ ജി 9 പ്ലസ്.
ക്വാൽകോം സ്നാപ്ഡ്രാഗൺ 730 ജി എസ്ഒസി സവിശേഷതയുള്ളതും 5000 എംഎഎച്ച് ബാറ്ററിയുള്ളതുമായതിനാൽ മോട്ടോ ജി 9 പ്ലസിനെക്കുറിച്ച് നേരത്തെ പുറത്തുവന്ന വിവരങ്ങളെല്ലാം ശരിയാണ്. സ്നാപ്ഡ്രാഗൺ 730 ജി നൽകുന്ന മോട്ടോ ജി 9 പ്ലസിന് 128 ജിബി ഓൺബോർഡ് സ്റ്റോറേജുണ്ട്. 64 മെഗാപിക്സലിന്റെ പ്രധാന സെൻസറുള്ള ഫോണിന് പിന്നിൽ ക്വാഡ് ക്യാമറ സജ്ജീകരണമുണ്ട്.
പുതിയ മോട്ടോ ജി 9 പ്ലസിന്റെ ബ്രസീലിലെ ( 4 ജിബി + 128 ജിബി സ്റ്റോറേജ്) വില ബിആർഎൽ 2.249,10 (ഏകദേശം 31,000 രൂപ) ആണ്. റോസ് ഗോൾഡ്, ബ്ലൂ ഇൻഡിഗോ കളർ ഓപ്ഷനുകളിലാണ് ഹാൻഡ്സെറ്റ് വരുന്നത്. കമ്പനിയുടെ ഔദ്യോഗിക വെബ്സൈറ്റ് വഴിയാണ് വിൽപ്പന. മോട്ടോ ജി 9 പ്ലസ് ഇന്ത്യയിൽ അവതരിപ്പിക്കുമോ ഇല്ലയോ എന്ന കാര്യത്തിൽ വ്യക്തതയില്ല.
മോട്ടോ ജി 9 പ്ലസിൽ ഒരു ഹൈബ്രിഡ് ഡ്യുവൽ സിം സ്ലോട്ട് (നാനോ) ഉണ്ട്. ഇത് ആൻഡ്രോയിഡ് 10 ഒഎസിൽ പ്രവർത്തിക്കുന്നു. 6.8 ഇഞ്ച് ഫുൾ എച്ച്ഡി പ്ലസ് മാക്സ് വിഷൻ എച്ച്ഡിആർ 10 സൂപ്പർ സ്ക്രീൻ ഡിസ്പ്ലേയാണ് ഫോണിന്റെ സവിശേഷത. മോട്ടോ ജി 9 പ്ലസിന് ഒരു ക്വാഡ് ക്യാമറ സജ്ജീകരണം ഉണ്ട്. ഇതിൽ എഫ് / 1.8 അപ്പേർച്ചറുള്ള 64 മെഗാപിക്സലിന്റേതാണ് പ്രധാന ക്യാമറ. എഫ് / 2.2 അപ്പേർച്ചറുള്ള 8 മെഗാപിക്സൽ 118 ഡിഗ്രി അൾട്രാ വൈഡ് ആംഗിൾ ഷൂട്ടർ, എഫ് / 2.2 അപ്പേർച്ചറുള്ള മറ്റൊരു 2 മെഗാപിക്സൽ മാക്രോ ക്യാമറ, നാലാമതായി എഫ് / 2.2 അപ്പേർച്ചറുള്ള 2 മെഗാപിക്സൽ ഡെപ്ത് സെൻസറും ഉണ്ട്. ഫോണിന് പിന്നിൽ എൽഇഡി ഫ്ലാഷ് ഉണ്ട്. മുന്നിൽ എഫ് / 2.0 അപ്പേർച്ചറുള്ള 16 മെഗാപിക്സലിന്റേതാണ് സെൽഫി ക്യാമറ.
30W ടർബോപവർ ഫാസ്റ്റ് ചാർജിങ് പിന്തുണയുള്ള 5,000 എംഎഎച്ച് ബാറ്ററിയാണ് മോട്ടോ ജി 9 പ്ലസിന്. കണക്റ്റിവിറ്റി ഓപ്ഷനുകളിൽ ബ്ലൂടൂത്ത് വി 5, വൈ-ഫൈ 802.11 എസി, ജിപിഎസ്, യുഎസ്ബി ടൈപ്പ്-സി, 3.5 എംഎം ഓഡിയോ ജാക്ക് എന്നിവ ഉൾപ്പെടുന്നു. ഫിംഗർപ്രിന്റ് സെൻസർ ഫീച്ചറും ഉണ്ട്. ആക്സിലറോമീറ്റർ, പ്രോക്സിമിറ്റി സെൻസർ, ഗൈറോസ്കോപ്പ്, ആംബിയന്റ് ലൈറ്റ് സെൻസർ എന്നിവയാണ് മറ്റ് സെൻസറുകൾ.
English Summary: Moto G9 Plus With 5,000mAh Battery, Snapdragon 730G SoC Launched: Price, Specifications