sections
MORE

മൈക്രോമാക്സിന്റെ പുതിയ ഫോണുകൾ പുറത്തിറങ്ങി, തുച്ഛ വിലയ്ക്ക് മികച്ച ഫീച്ചറുകൾ

MicroMax-phone-1b
SHARE

ഇന്ത്യയുടെ സ്വന്തം കമ്പനിയായ മൈക്രോമാക്സിന്റെ പുതിയ ഹാൻഡ്സെറ്റുകൾ പുറത്തിറങ്ങി. രണ്ട് പുതിയ മോഡൽ ഫോണുകളാണ് അവതരിപ്പിച്ചത്. ഇൻ നോട്ട്1, ഇൻ 1ബി എന്നിവയാണ് ഹാൻഡ്സെറ്റുകൾ. ഇൻ നോട്ട് 1 10,999 രൂപയിലും ഇന്‍ 1ബി 6,999 രൂപയിലുമാണ് വില തുടങ്ങുന്നത്. ഹാൻഡ്സെറ്റുകൾ മൈക്രോമാക്സിന്റെ ഔദ്യോഗിക വെബ്‌സൈറ്റിലും ഫ്ലിപ്കാർട്ടിലും ലഭിക്കും. ഫോണുകളെല്ലാം നവംബർ 24 മുതൽ വിൽപ്പനയ്‌ക്കെത്തും. 

∙  മൈക്രോമാക്സ് ഇൻ നോട്ട് 1

ഗെയിമിംഗിന് പ്രാധാന്യം നൽകുന്ന മിഡ് റേഞ്ച് ചിപ്‌സെറ്റായ മീഡിയടെക് ജി 85 എസ്ഒസി ആണ് ഇൻ നോട്ട് 1 ന്റെ കരുത്ത്. 4 ജിബി വരെ റാമും 128 ജിബി വരെ സ്റ്റോറേജുമായാണ് ഫോൺ എത്തുന്നത്. മൈക്രോമാക്സ് ഇൻ നോട്ട് 1 ലെ 6.67 ഇഞ്ച് എഫ്എച്ച്ഡി പ്ലസ് എൽസിഡി പാനൽ 21: 9 വീക്ഷണാനുപാതവും 450 നിറ്റ് തെളിച്ചവുമുള്ളതാണ്. 5,000 mAh ബാറ്ററിയാണ് ഹാൻഡ്‌സെറ്റ് പായ്ക്ക് ചെയ്യുന്നത്. 18W ചാർജിങ് അഡാപ്റ്ററുണ്ട്. റിവേഴ്സ് ചാർജിങ് പിന്തുണയും ഫോൺ പിന്തുണയ്ക്കുന്നു.

ഇൻ നോട്ട് 1 പിന്നിൽ 48 എംപി ക്വാഡ്-എഐ ക്യാമറ സംവിധാനമാണ് മൈക്രോമാക്സ് അവതരിപ്പിക്കുന്നത്. 5 എംപി അൾട്രാവൈഡ് ഷൂട്ടർ, 2 എംപി മാക്രോ ക്യാമറ, 2 എംപി ഡെപ്ത് സെൻസർ എന്നിവയാണ് പിന്നിലുള്ള മറ്റ് മൂന്ന് സെൻസറുകൾ. മുൻവശത്ത്, പഞ്ച് ഹോൾ ക്യാമറ കട്ട് ഔട്ടിൽ 16 എംപി സെൽഫി ഷൂട്ടർ ഉണ്ട്.

in-note-1

പിൻവശത്ത് ഘടിപ്പിച്ച ഫിംഗർപ്രിന്റ് റീഡറും ഫെയ്‌സ് അൺലോക്കും മൈക്രോമാക്‌സ് ഇൻ നോട്ട് 1 സവിശേഷതയാണ്. ഉപകരണത്തിലെ കണക്റ്റിവിറ്റി ഓപ്ഷനുകളിൽ യുഎസ്ബി ടൈപ്പ്-സി, വിഒ-വൈ-ഫൈ, 5 ജിഗാഹെർട്സ് വൈ-ഫൈ, ബ്ലൂടൂത്ത് 5.0, 4 ജി എൽടിഇ, ജിപിഎസ് എന്നിവയും അതിലേറെയും ഉൾപ്പെടുന്നു.

മൈക്രോമാക്സ് ഇൻ നോട്ട് 1 ഫോണുകൾ ആൻഡ്രോയിഡ് 10 ലാണ് പ്രവർത്തിക്കുന്നത്. അതിൽ ബ്ലോട്ട്‌വെയർ ഇല്ല. ഗൂഗിളിന്റെ അസിസ്റ്റന്റ് ബട്ടണും ലഭിക്കും. അതേസമയം, കമ്പനി രണ്ട് വർഷത്തെ സോഫ്റ്റ്‌വെയർ അപ്ഡ്രേഡ് ഉറപ്പ് നൽകുന്നു. പച്ചയും വെള്ളയും നിറങ്ങളിലാണ്‌ ഇൻ‌ നോട്ട് 1 എത്തുന്നത്.

∙ മൈക്രോമാക്സ് 1 ബി

മൈക്രോമാക്സ് 1 ബിയിൽ രണ്ട് സ്റ്റോറേജ് ഓപ്ഷനുകളുണ്ട് - 4 ജിബി റാം + 64 ജിബി സ്റ്റോറേജ്, 2 ജിബി + 32 ജിബി. 4 ജിബി വേരിയന്റിന് 7,999 രൂപയും 2 ജിബി റാം വേരിയന്റ് മോഡലിന് 6,999 രൂപയ്ക്കും വാങ്ങാം. പച്ച, പർപ്പിൾ, നീല എന്നീ മൂന്ന് നിറങ്ങളിലാണ് സ്മാർട് ഫോൺ വരുന്നത്. മൈക്രോമാക്സ് ഇൻ 1 ബി ഫ്ലിപ്പ്കാർട്ട് വഴി വാങ്ങാൻ ലഭ്യമാണ്. നവംബർ 26 മുതൽ വാങ്ങാം.

മൈക്രോമാക്സ് 1 ബിയിൽ 6.52 ഇഞ്ച് എച്ച്ഡി + ഡിസ്പ്ലേ, 20: 9 വീക്ഷണാനുപാതവും മുൻ ക്യാമറയ്ക്ക് ചെറിയ വാട്ടർ ഡ്രോപ്പ് നോച്ചും ഉണ്ട്. 2 ജിബി / 4 ജിബി റാമും 32 ജിബി / 64 ജിബി ഇന്റേണൽ മെമ്മറി ഓപ്ഷനുകളുമായി ജോടിയാക്കിയ ഒക്‌ടോ കോർ മീഡിയടെക് ഹെലിയോ ജി 35 പ്രോസസറാണ് ഇൻ 1 ബി യുടെ ശക്തി. 5,000 എംഎഎച്ച് ബാറ്ററിയാണ് പായ്ക്ക് ചെയ്തിരിക്കുന്നത്. ഫോണിന് 10W ചാർജിങ് ശേഷിയുണ്ട്.

MicroMax-phone

മൈക്രോമാക്സ് ഇൻ 1 ബിയിൽ 13 എംപി പ്രൈമറി സെൻസറും 2 എംപി ഡെപ്ത് ക്യാമറ സെൻസറും ഉള്ള ലംബമായി വിന്യസിച്ച ഇരട്ട ക്യാമറ സജ്ജീകരണമുണ്ട്. വാട്ടർഡ്രോപ്പ് നോച്ചിനുള്ളിൽ 8 എംപി ഫ്രണ്ട് ക്യാമറ സെൻസറും സ്മാർട് ഫോണിലുണ്ട്. ബയോമെട്രിക്സിനായി ഇൻ 1 ബിയിൽ പിന്നിൽ ഘടിപ്പിച്ച ഫിംഗർപ്രിന്റ് സ്കാനറും ഫേസ് അൺലോക്കും കാണാം. സ്മാർട് ഫോൺ ആൻഡ്രോയിഡ് 10 ലാണ് പ്രവർത്തിക്കുന്നത്. കൂടാതെ രണ്ട് വർഷത്തെ സോഫ്റ്റ്‌വെയർ അപ്‌ഡേറ്റുകൾ ലഭിക്കുമെന്ന് വാഗ്ദാനം ചെയ്യുന്നു.

English Summary: Micromax In Note 1 Launched at Rs 10,999, In 1b Launched at Rs 6,999

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN MOBILES
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA