10,490 രൂപയ്ക്ക് ഒപ്പോയുടെ 4ജി ഫോൺ, മീഡിയടെക് ഹീലിയോ ജി35 പ്രോസസർ, മികച്ച ക്യാമറകൾ

ചൈനീസ് കമ്പനിയായ ഓപ്പോയുടെ എ സീരീസ് ഹാൻഡ്സെറ്റുകൾ ഇന്ത്യയുൾപ്പെടെ ഒട്ടുമിക്ക വിപണികളിലും ഹിറ്റാണ്. ഇപ്പോൾ ഒപ്പോ ഏറ്റവും പുതിയ എ സീരീസ് സ്മാർട് ഫോണായ ഒപ്പോ എ16കെ ഇന്ത്യയിൽ അവതരിപ്പിച്ചു. 10,490 രൂപയാണ് വില. ബ്ലാക്ക്, ബ്ലൂ, വൈറ്റ് നിറങ്ങളിൽ സ്മാർട് ഫോൺ ലഭ്യമാണ്. ആമസോൺ, ഫ്ലിപ്കാർട്ട്, ഓപ്പോ ഇന്ത്യയുടെ ഓൺലൈൻ സ്റ്റോർ തുടങ്ങിയ ഇ-കൊമേഴ്സ് പ്ലാറ്റ്ഫോമുകൾ വഴി ഒപ്പോ എ16കെ വാങ്ങാം.

ഒപ്പോ എ16കെ 4ജി ഹാൻഡ്സെറ്റാണ്. 2.4D ഗ്ലാസ് സംരക്ഷണവും 720 x 1600 പിക്‌സൽ റെസലൂഷനുമുള്ള 6.52 ഇഞ്ച് എച്ച്ഡി+ ഡിസ്‌പ്ലേയാണ് ഇതിന്റെ സവിശേഷത. സ്‌മാർട് ഫോണിന്റെ ഡിസ്‌പ്ലേ ഇടുങ്ങിയ ബെസലുകളാൽ ചുറ്റപ്പെട്ടിരിക്കുന്നു. 60Hz ആണ് ഡിസ്പ്ലേയുടെ റിഫ്രഷ് റേറ്റ്.

പിന്നിൽ 80 ഡിഗ്രി വ്യൂ ഫീൽഡുള്ള ഒരു 13 മെഗാപിക്സൽ ക്യാമറയുണ്ട്. 5x സൂം വരെ പിന്തുണയ്‌ക്കുന്നതാണ് ഈ ക്യാമറ. ക്യാമറയ്ക്കൊപ്പം ഒരു കൂട്ടം ഫിൽട്ടറുകൾ, ഡാസിൽ കളർ മോഡ്, നൈറ്റ് ഫിൽട്ടറുകൾ മുതലായവ ഉണ്ട്. മുൻവശത്ത്, f/2.4 അപ്പേർച്ചർ, 76 ഡിഗ്രി ഫീൽഡ് വ്യൂ ഉള്ള 5 മെഗാപിക്‌സലിന്റേതാണ് സെല്‍ഫി ക്യാമറ.

3 ജിബി റാമും 32 ജിബി ഇന്റേണൽ സ്റ്റോറേജുമുള്ള മീഡിയടെക്കിന്റെ ഹീലിയോ ജി 35 പ്രോസസർ ആണ് ഒപ്പോ എ16കെയിൽ ഉൾപ്പെടുത്തിയിരിക്കുന്നത്. 5V / 2A ചാർജിങ് പിന്തുണയുള്ള 4230 എംഎഎച്ച് ആണ് ബാറ്ററി. ഡ്യുവൽ-ബാൻഡ് വൈ-ഫൈ, ബ്ലൂടൂത്ത് v5, 3.5 എംഎം ഹെഡ്‌ഫോൺ ജാക്ക്, ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് ഒപ്പോ എ16കെ യിലെ പ്രധാന കണക്റ്റിവിറ്റി ഓപ്ഷനുകൾ.

English Summary: Oppo A16K with MediaTek Helio G35 launched at Rs 10,490