ടെക്നോ സ്പാർക് 8 പിയിൽ 50 മെഗാപിക്സൽ ട്രിപ്പിൾ റിയർ ക്യാമറ, ഇന്ത്യയിലെ വിലയോ?

പുതിയ സ്മാർട് ഫോൺ ടെക്നോ സ്പാർക് 8 പി (Tecno Spark 8P) ഇന്ത്യയിൽ അവതരിപ്പിച്ചു. ഡിസ്പ്ലേയിൽ വാട്ടർ ഡ്രോപ്പ്-സ്റ്റൈൽ നോച്ചും ട്രിപ്പിൾ റിയർ ക്യാമറ സജ്ജീകരണവുമാണ് ഫോണിന്റെ സവിശേഷത. ഇതിൽ ഒക്ടാ-കോർ മീഡിയടെക് പ്രോസസര്‍ ആണ് ഉൾപ്പെടുത്തിയിരിക്കുന്നത്. സ്‌റ്റോറേജ് എടുത്ത് റാം ആയി ഉപയോഗിക്കുന്നതിനുള്ള മെമ്മറി ഫ്യൂഷൻ ഫീച്ചറും ഇതിലുണ്ട്. 

ടെക്നോ സ്പാർക് 8 പിയുടെ 4 ജിബി റാം + 64 ജിബി സ്റ്റോറേജ് വേരിയന്റിന്റെ ഇന്ത്യയിലെ വില 10,999 രൂപയാണ്. അറ്റ്‌ലാന്റിക് ബ്ലൂ, ഐറിസ് പർപ്പിൾ, തഹിതി ഗോൾഡ്, ടർക്കോയിസ് സിയാൻ എന്നീ നിറങ്ങളിലാണ് സ്‌മാർട് ഫോൺ വരുന്നത്. 4 ജിബി റാം + 128 ജിബി സ്റ്റോറേജ് കോൺഫിഗറേഷനിൽ കഴിഞ്ഞ വർഷം നവംബറിൽ ഫിലിപ്പീൻസിൽ അവതരിപ്പിച്ചതാണ് ടെക്നോ സ്പാർക് 8 പി.

ആൻഡ്രോയിഡ് 11 അടിസ്ഥാനമാക്കിയുള്ള HiOS 7.6 ഒഎസിലാണ് ടെക്നോ സ്പാർക് 8 പി പ്രവർത്തിക്കുന്നത്. 401ppi പിക്‌സൽ സാന്ദ്രതയുള്ള 6.6-ഇഞ്ച് ഫുൾ എച്ച്ഡി+ (1,080x2,408 പിക്‌സൽ) ഡോട്ട് ഡിസ്‌പ്ലേയും ഉണ്ട്. 4 ജിബി LPDDR4x റാമുമായി ജോടിയാക്കിയ മീഡിയടെക് ഹീലിയോ ജി85 ആണ് പ്രോസസർ. ഇത് മെമ്മറി ഫ്യൂഷൻ ഫീച്ചർ ഉപയോഗിച്ച് 7 ജിബി വരെ റാം വർധിപ്പിക്കാൻ കഴിയും.

ഫേസ്-ഡിറ്റക്ഷൻ ഓട്ടോഫോക്കസുമായി (PDAF) f/1.6 അപ്പേർച്ചർ ലെൻസുമായി ജോടിയാക്കിയ 50 മെഗാപിക്സലിന്റേതാണ്  പ്രധാന ക്യാമറ. ട്രിപ്പിൾ റിയർ ക്യാമറ സജ്ജീകരണമാണ് ടെക്നോ സ്പാർക് 8 പി പായ്ക്ക് ചെയ്യുന്നത്. 2കെ ടൈം-ലാപ്‌സ്, സ്ലോ മോഷൻ, വിഡിയോ ബൊക്കെ എന്നിവയുൾപ്പെടെയുള്ള ഷൂട്ടിങ് മോഡുകൾ ഫോണിൽ ലഭ്യമാണ്. സെൽഫികൾക്കും വിഡിയോ കോളുകൾക്കുമായി ഡ്യുവൽ എൽഇഡി ഫ്ലാഷോടുകൂടിയ 8 മെഗാപിക്സൽ സെൽഫി ക്യാമറയുമായാണ് ഫോൺ വരുന്നത്. 18W ഫാസ്റ്റ് ചാർജിങ് സംവിധാനമുള്ള 5,000 എംഎഎച്ച് ആണ് ബാറ്ററി.

English Summary: Tecno Spark 8P With MediaTek Helio G85 SoC, 50-Megapixel Triple Rear Camera Launched