റിയൽമി 10 സീരീസിലെ പുതിയ സ്മാർട് ഫോണായ റിയൽമി 10s (Realme 10s) ചൈനയിൽ അവതരിപ്പിച്ചു. മീഡിയടെക് ഡൈമെൻസിറ്റി 810 പ്രോസസർ, 6.6-ഇഞ്ച് എഫ്എച്ച്ഡി+ ഐപിഎസ് എൽസിഡി ഡിസ്‌പ്ലേ പാനൽ എന്നിവയാണ് പ്രധാന ഫീച്ചറുകൾ. സ്ട്രീമർ ബ്ലൂ, ക്രിസ്റ്റൽ ബ്ലാക്ക് കളർ വേരിയന്റുകളിലാണ് റിയൽമി 10എസ് വരുന്നത്. മിതമായ വിലയ്ക്ക് വാങ്ങാവുന്ന മികച്ചൊരു ഫോണാണിത്.

റിയൽമി 10എസ് ന്റെ 8ജിബി റാം + 128 ജിബി സ്റ്റോറേജ് വേരിയന്റിന്റെ വില 1,099 യുവാനും (ഏകദേശം 13,000 രൂപ) 8 ജിബി റാം + 256 ജിബി സ്റ്റോറേജ് പതിപ്പിന് 1,299 യുവാനുമാണ് (ഏകദേശം 15,400 രൂപ) വില. രണ്ട് വേരിയന്റുകളും ചൈനയിലെ റിയൽമിയുടെ ഓൺലൈൻ സ്റ്റോറിൽ വാങ്ങാൻ ലഭ്യമാണ്. എന്നാൽ ഈ സ്മാർട് ഫോൺ ഇന്ത്യയിൽ അവതരിപ്പിക്കാനുള്ള പദ്ധതികൾ ഇതുവരെ പ്രഖ്യാപിച്ചിട്ടില്ല.

ആൻഡ്രോയിഡ് 12 അടിസ്ഥാനമാക്കിയുള്ള റിയൽമി UI 3.0 ലാണ് റിയൽമി 10എസ് പ്രവർത്തിക്കുന്നത്. ഡ്യുവൽ സിം സ്ലോട്ടും ഉണ്ട്. 1,080x2,408 പിക്‌സൽ റെസലൂഷനോട് കൂടിയ 6.6 ഇഞ്ച് ഐപിഎസ് എൽസിഡി ഡിസ്‌പ്ലേയ്ക്ക് 90Hz റിഫ്രഷ് റേറ്റും 180Hz ടച്ച് സാംപ്ലിങ് റേറ്റും ഈ ഹാൻഡ്‌സെറ്റിനുണ്ട്. മീഡിയടെക് ഡൈമെൻസിറ്റി 810 ആണ് പ്രോസസർ.

റിയൽമി 10എസിന് പിന്നിൽ ഡ്യുവൽ ക്യാമറ സംവിധാനമുണ്ട്. 50 മെഗാപിക്സൽ പ്രധാന ക്യാമറയും 2 മെഗാപിക്സൽ പോർട്രെയിറ്റ് ലെൻസും ഫീച്ചർ ചെയ്യുന്നു. മുന്നിൽ 8 മെഗാപിക്സലിന്റേതാണ് ക്യാമറ. 128 ജിബി, 256 ജിബി സ്റ്റോറേജ് ഓപ്ഷനുകളിൽ വരുന്ന ഹാൻഡ്‌സെറ്റിന് വികസിപ്പിക്കാവുന്ന സ്റ്റോറേജിനായി മൈക്രോ എസ്ഡി സ്ലോട്ടും ഉണ്ട്. ഹാൻഡ്‌സെറ്റിന്റെ വലതുവശത്ത് ഫിംഗർപ്രിന്റ് സ്കാനറും 3.5 എംഎം ഹെഡ്‌ഫോൺ ജാക്കും കാണാം. 33W ഫാസ്റ്റ് ചാർജിങ് ശേഷിയുള്ള  5,000 എംഎഎച്ച് ആണ് ബാറ്ററി.

English Summary: Realme 10s With 50-Megapixel Camera Launched in China